1Nimanxwit tb'i Qman.
Kjawil nnimsa'ne Qman tu'n tkyaqil nk'u'je.
2Kjawil nnimsa'ne Qman akux itz'x qine; kxel nb'itzane b'itz te Ndiose akux atinxe twitz tx'otx'.
3Mi'n tz'ok qe' kyk'u'je kyi'j qe xjal ma' kyoklen, ex ax xjal qe, ex minti' kolb'il kyuk'il,
4ok kykyim ok che okel te quq juntl maj, ex axtzun q'ij lu kb'ajel aju otoq kub' kyximan tu'n tb'ant.
5At tzalajb'il teju xjal in tk'mo'n onb'il tu'n Tdios Jacob ex nno'k qe' tk'u'j ti'j Qman, aju Tdios.
6Tu'n o b'ant kya'j tuk'ix tx'otx' ex mar ex tuk'ix tkyaqilju at kyuj. Kukx in japun tu'n Dios aju yol in tzaj ttziyan.
7In xi tb'incha'n kyi'j qeju in che b'aj yajla'n ex in xi tq'o'n kywa qeju nne'l kyk'u'j.
In che etz ttzoqpi'n Qman qe pres;
8In jaqet kywitz qe moẍ tu'n, in che jaw twab'an qeju o che kub' tz'aq; in tk'ujla'n qe xjal tz'aqlxix;
9in kolin Qman kyi'j qe stranjer xjal ex in che ok tkwentin qe k'wa'l minti' kyman ex kytxu' ex kyuk'ix qe meb'a xu'j; atzun kye xjal mya b'a'n in che el tzpet ti'j kyb'e tu'n.
10Aya tnam Sión, kukx kkawil Qman; aju Tdiosa kukx kkawil tuj tkyaqil tab'q'iyil.
Nimanxwit tb'i Qman.
Who We AreWhat We EelieveWhat We Do
2025 by iamachristian.org,Inc All rights reserved.
