1 Crónicas 7 - Mam Huehuetenango New Ortography

Qe tiyjil Isacar

1Qe tky'ajal Isacar kyaje kyb'aj ex atzun qe jlu: Tola, Fúa, Jasub ex Simrón.

2Qe tky'ajal Tola, atzun qe jlu: Uzi, Rafaías, Jeriel, Jahmai, Jibsam ex Semuel; teylex te junjun nejenel qe te junjun k'loj tiyjil Tola. Tuj tq'ijlalil tej tten David japun tajlal tiyjil Tola 22 mil tuk'il qaq syent xinaq kyuw kyk'u'j tuj q'oj.

3Aju tky'ajal Uzi, atzun Israhías. Qe tky'ajal Israhías, atzun qe jlu: Micael, Obadías, Joel ex Isías. Aqeju jwe' lu nejenel qe.

4Tu'nju o ten ela' kyxu'jil ex ela' kyky'ajal, kyja'tzun chmet nim kyajlal. Kyu'n qe kyiyjil e ul itz'j te tib'ajxi, japun 36 mil kyajlal xinaq otoq b'ant tu'n kyxi' tuj q'oj.

5Qe tiyjil Isacar tu'n tkyaqilx, ik tza'n tajlal kyb'i tz'ib'an, japun 87 mil xinaq. Kykyaqil qe jlu kyuw kyk'u'j tuj q'oj.

Qe tiyjil Benjamín

6Ox kyb'aj qe tky'ajal Benjamín ex atzun qe jlu: Bela, Bequer ex Jediael.

7Qe tky'ajal Bela jwe' kyb'aj ex atzun qe jlu: Ezbón, Uzi, Uziel, Jeremot ex Iri. Kykyaqil qe jlu nejenel qe kye junjun k'loj kyiyjil ex kyuw kyk'u'j tuj q'oj. Ik tza'nx tajlal kyb'i tz'ib'an, japun 22 mil 34 xinaq.

8Qe tky'ajal Bequer, atzun qe jlu: Zemira, Joás, Eliezer, Elioenai, Omri, Jerimot, Abías, Anatot ex Alamet. Kykyaqil qe jlu tky'ajal Bequer qe,

9ex ik tza'nx kyajlal junjun k'loj kyiyjil tz'ib'an ex qe nejenel kye, japun 20 mil tuk'il kab' syent xinaq kyuw kyk'u'j tuj q'oj.

10Aju tky'ajal Jediael, atzun Bilhán. Qe tky'ajal Bilhán, atzun qe jlu: Jeús, Benjamín, Aod, Quenaana, Zetán, Tarsis ex Ahisahar.

11Kykyaqil qe jlu tiyjil Jediael qe, nejenel qe te junjun k'loj kyiyjil, kyuw kyk'u'j tuj q'oj ex otoq b'ant tu'n kyxi' tuj q'oj. Japun jun kyajlal te wuqlaj mil tuk'il kab' syent xinaq.

12Qe tky'ajal Hir, atzun qe jlu: Supim ex Hupim. Aju tky'ajal Aher, atzun Husim.

Qe tiyjil Neftalí

13Qe tky'ajal Neftalí, atzun qe jlu: Jahzeel, Guni, Jezer ex Salum. Atzun qe jlu tal tchman Bilha.

Qe tiyjil Manasés

14Qe tky'ajal Manasés e tzaj ti'j juntl t-xu'jil aju aj Siria, atzun qe jlu: Asriel ex Maquir, ate Maquir tman Galaad.

15Ate Maquir o moje' tuk'il jun xu'j kyxol kyiyjil Hupim ex Supim. Ex aju tanb' Maquir Maaca tb'i. Aju tkab' tky'ajal Maquir, Zelofehad tb'i; a jlu noq o'kx qe tme'jel e tzaj.

16Ate Maaca aju t-xu'jil Maquir tzaj jun tal q'a, ex ok tq'o'n tb'i Peres. Aju titz'in Peres, Seres tb'i, ex qe tky'ajal Seres, atzun kyb'i jlu: Ulam ex Requem.

17Ate Ulam tman Bedán. Atzun qe jlu tiyjil Galaad qe, aju tky'ajal Maquir, ex ate Maquir tky'ajal Manasés.

18Aju tanb' Maquir Hamolequet tb'i, atzun ttxu' Isod, Abiezer ex Mahala.

19Qe tky'ajal Semida, atzun qe jlu: Ahián, Siquem, Liquehí ex Aniam.

Qe tiyjil Efraín

20Qe tiyjil Efraín, atzun qe jlu: Ate Efraín tman Sutela, atzunte Sutela tman Bered, atzunte Bered tman Tahat, atzunte Tahat tman Elada, atzunte Elada tman Tahat,

21atzunte Tahat tman Zabad, atzunte Zabad tman Sutela. Ex at kab'etl tky'ajal Efraín, Ezer ex Elad kyb'i, ex e kub' b'yo'n kyu'n qeju najl tuj tx'otx' Gat, ex e je'x elq'alte kywakẍ qe xjal lu.

22Ate Efraín aju kyman nim q'ij o b'isun kyi'j, ex e ul qe terman q'uqb'alte tk'u'j.

23Te tib'ajxi kub' tmojb'an tib' tuk'il t-xu'jil, atzunte t-xu'jil ok ten tal ex ul itz'j jun tal q'a, ex Bería tb'i ok tq'o'n tu'nju otoq tzaj b'is tuj tja.

24Ate Seera aju tme'jel Bería jaw b'inchante qe tnam lu: Bet-horón te kub'ni ex Bet-horón te jawni, ax ikx ju tnam Uzen-seera.

25Qe tiyjil Bería, atzun qe jlu: Ate Bería tman Refa, atzunte Refa tman Resef, atzunte Resef tman Telah, atzunte Telah tman Tahán,

26atzunte Tahán tman Laadán, atzunte Laadán tman Amiud, atzunte Amiud tman Elisama,

27atzunte Elisama tman Nun, ex atzunte Nun tman Josué.

28Qe kytx'otx' ex qe tnam jatum e najan kyuk'ix qe aldey ate' kyi'jele, atzun qe jlu: Betel, Naarán aju tkub'sa'n tuj tumlal tjawitz q'ij, Gezer aju tkub'sa'n tuj tumlal telex q'ij, tuk'ix tnam Siquem, ex pon b'aj max tuj tnam Ayah.

29Tuj kykwent tiyjil Manasés attoq qe tnam lu: Bet-seán, Taanac, Meguido ex Dor kyuk'ix qe aldey ate' kyi'jele. Kyujtzun qe lugar lu e najan qe tiyjil José aju tky'ajal Israel.

Qe tiyjil Aser

30Qe tky'ajal Aser, atzun qe jlu: Imna, Isúa, Isúi, Bería, ex Sera tb'i kyanb'.

31Qe tky'ajal Bería, atzun qe jlu: Heber ex Malquiel; ate Malquiel tman Birzavit.

32Ate Heber tman Jaflet, Semer, ex Hotam, ex Súa tb'i kyanb'.

33Qe tky'ajal Jaflet, atzun qe jlu: Pasac, Bimhal ex Asvat. Atzun qe jlu tky'ajal Jaflet.

34Qe tky'ajal Semer, atzun qe jlu: Ahí, Rohga, Jehúba ex Aram.

35Qe tky'ajal Hotam aju terman Semer, atzun qe jlu: Zofa, Imna, Seles ex Amal.

36Qe tky'ajal Zofa, atzun qe jlu: Súa, Harnefer, Súal, Beri, Imra,

37Beser, Hod, Sama, Silsa, Itrán ex Beera.

38Qe tky'ajal Jeter, atzun qe jlu: Jefone, Pispa ex Ara.

39Qe tky'ajal Ula, atzun qe jlu: Ara, Haniel ex Rezia.

40Kykyaqil qe jlu tiyjil Aser qe. Nejenel qe kye junjun k'loj tiyjil Aser, sk'o'maj qe ex kyuw kyk'u'j tuj q'oj, ex nejenel qe kye qe xinaq ma' kyoklen. Ik tza'nx tajlal kyb'i tz'ib'an, japun 26 mil xinaq otoq b'ant tu'n kyxi' tuj q'oj.