1Aju mya b'a'n in yolin te xjal mya b'a'n max tuj tanmi. Minti'x in ximan xjal ti'j qa at tu'n t-xob' twitz Dios.
2Nno'k tq'on tib' te ma' toklen, ex in b'aj tyolin tib', tuj twitz qa mlay tz'el nik'b'aj ti'j tb'inchb'en mya b'a'n.
3Jumajx mya b'a'n yolin ex nik'al yol, tzpetni tnab'l ex ma kyaj tkolin tu'n tb'inchante b'a'n.
4Ok in kub' koẍe' twi twatb'il, in b'aj t-ximan tu'n tb'inchante mya b'a'n; ax in kyaj ten tuj mya b'a'n ex mi'n taj tu'n tkyaj tq'o'n ju mya b'a'n.
5Atzunju tk'ujlalila Nman, max japun pon twitz kya'j; ex aju tyola axix tok in japun kanun twitz kya'j.
6Aju ttena tz'aqlxix ik tten ik tza'n qe nmaq witz; ex qe tleya ik kyten ik tza'n mar ma tij ex ma' t-xe'. Nman, aya kwentil kye qe xjal ex qe jil.
7Tb'anilxix tk'ujlalila Nman Dios. Kyja'tzun nno'kx kyklon kyib' qe xjal tjaq' t-xik'a.
8In nojxix kyk'u'j wen tu'nju nim wab'j at tuj tjaya; tu'na in xi tq'o'na kyk'a' ti'j jun nima tb'anilxix wen,
9ex tuk'ila ta' aju twi a' in tq'o'n chwinqlal, ex tu'nju t-spik'umala in qile aju spik'un.
10Kukx q'ontz tk'ujlalila kye qeju ojtzqi'na kyu'n, ex che tkloma xjal b'a'n kymod.
11Mi'n taq'a amb'il tu'n nb'aj wab'ane kyu'n qe xjal in jaw kyniman kyib', ex tu'n mi'n wex lajo'ne kyu'n qe xjal mya b'a'n.
12Kyke'yinxe tza'n tten ma che kub' tz'aq qe xjal b'inchal mya b'a'n. Ma che kub' tz'aq ex mlay che jaw we' juntl maj.
Who We AreWhat We EelieveWhat We Do
2025 by iamachristian.org,Inc All rights reserved.
