1Tjaw txaq'an kyq'ab'e kykyaqile aqeye xjal ate'ye twitz tx'otx'. Che sch'ine tu'n tzalajb'il twitz Dios.
2Ate Qman at toklen tib'aj tkyaqil ex il ti'j tu'n kyxob' kykyaqil xjal twitz; ate Dios jun nintz rey tib'aj tkyaqil twitz tx'otx'.
3Tu'n Dios kub' kyi'j qe tnam ex qe nasyon, ex e kyaj tq'o'n tjaq' qkawb'il.
4Jaw t-sk'o'n tx'otx' te qetzb'il, aqo' aj Israel, kyja'tzun in qo tzalaj ti'j jlu ex k'ujla'n qo' tu'n.
5Ma jax Qman Dios tu'n tkub' qe' tuj tq'uqb'il, ex lu qe xjal in che sch'in tu'n tzalajb'il ex nno'k kyq'ajtza'n chun.
6Che b'itzane, che b'itzane b'itz te nimb'il te Dios. Che b'itzane, che b'itzane b'itz te nimb'il te Qrey.
7Che b'itzane jun salmo te nimb'il te Dios, porke ate Dios Rey tib'aj tkyaqil twitz tx'otx'.
8Ate Dios Rey kyib'aj kykyaqil nasyon ex ma kub' qe' tuj tq'uqb'il xjan.
9Qe nejenel kyuj txqantl nasyon ma tz'ok kyjunin kyib' kyuk'il qe xjal etzan tu'n Dios, aju Tdios Abraham.
10Qe xjal ma' kyoklen twitz tx'otx', te Dios qe. Ate Dios mas ma' toklen tib'aj tkyaqil.
Who We AreWhat We EelieveWhat We Do
2025 by iamachristian.org,Inc All rights reserved.
