1At nk'ujlalile ti'j Qman tu'nju ma tzaj tb'i'n nyole ex nkub'sb'ile,
2ex tu'nju ma chin tzaj b'i'ne tu'n. Kyja'tzun chin kub'sale twitz tuj tkyaqil q'ij te wanq'ib'le.
3In tzyete tu'n tipumal kamik mer ik tza'n tuj k'ob'il, tzaj nim xob'ajil wi'je tu'nju ch'ixtoq npone tuj kynajb'il kyimni; tzaj nxob'ile ex tzaj k'ixk'oj wi'je.
4In kub'santzune twitz Qman ex nchiye: Nman, chin tkloma.
5Tz'aqlxix te Qman ex in tzaj tz'e'y tk'u'j qi'j, ex nim tq'aq'b'il tk'u'j Qdios qi'j.
6Ate Qman kwentil kye qeju noq ch'in kynab'l at. Tej minti'toq wipune in klete tu'n.
7Ja'lo minti'tl in b'aj nk'u'je porke nim t-xtalb'il Qman ma tb'incha weye.
8Tu'n ma chin klete tu'n mi'n nkyime, ex tu'n mi'n kukx tel ta'l nwitze, ex tu'n mi'n nkub' tz'aqe.
9Chin b'etele b'a'n twitz Qman kyxol qe xjal najl twitz tx'otx'.
10Xi woksla'ne, kyja'tzun in chin yoline, maske atine tuj nim b'is.
11Tej otoq b'aj nk'u'je, o nmaye qa kykyaqil xjal b'a'n che nik'an yol.
12¿Tza'n tten tu'n tchjet wu'ne te Qman tkyaqilju b'a'n o tb'incha wi'je?
13Ktzajel wi'ne jun vas ta'l twitz uva te jun oyaj te Qman tu'n t-xi nq'o'ne chjonte te, tu'nju ma chin klete tu'n.
14Kjapunel wu'ne tkyaqilju yol xi ntziyane te Qman kywitz kykyaqil xjal etzan tu'n.
15Ma' t-xilen tuj twitz Qman qa ma kyim jun xjal kyxol qeju in che niman te.
16Nman Dios, aqine tmajena, tal aju tmajena xu'j; tej k'alo'ntoq qine, in el tko'pina.
17Kxel nq'o'ne jun oyaj teya te jun aq'b'il chjonte, ex chin kub'sale twitza Nman.
18Aju yol xi ntziyane te Qman kjapunel wu'ne kywitz kykyaqil xjal etzan tu'n,
19kjapunel wu'ne ttxa'n pe'n twitz tja Qman, ax tuj tmija tnam Jerusalén.
Nimanxwit tb'i Qman.
Who We AreWhat We EelieveWhat We Do
2025 by iamachristian.org,Inc All rights reserved.
