Números 33 - Mam Huehuetenango New Ortography

Kyetzlenxi aj Israel tuj Egipto tejxi kyul ttzi nima Jordán

1Atzun qe lugar lu jatum e kub' ten aj Israel tej kyb'et, tej kyetz tuj Egipto tuj k'lojin kyten ik tza'n soldad, ẍaqlu'n qe tu'n Moisés ex tu'n Aarón.

2Kub' ttz'ib'an Moisés kyb'i teyle junjun lugar jatum e kub' ten junjun maj, ik tza'nx o tma Qman te. Atzun qe lugar lu jatum e kub' ten ex jatum in che ik' b'et juntl maj.

3E je'tz aj Israel tuj tnam Ramesés tuj olaj tajlal tnejel xjaw te ab'q'i, matoq jun q'ij tb'ajlen kyik'sa'n Xjan Q'ij. E je'tz tuk'il nim tipumal Dios kywitz kykyaqil aj Egipto,

4tej matoq in che maqun aj Egipto kyi'j nej kyky'ajal, aqeju otoq che kyim tu'n Qman, tu'nju otoq kub' kysentens kydios aj Egipto tu'n Qman.

5E je'tztzun aj Israel tuj tnam Ramesés ex e kub' ten tuj lugar Sucot.

6Kyik'lenxi tuj lugar Sucot, e kub' tentl tuj lugar Etam ttxa'n tzqij tx'otx'.

7Kyik'lenxi tuj lugar Etam, e q'on welt tu'n kypon tuj lugar Pi-hahirot, aju tkub'sa'n tuj tjawitz q'ij te lugar Baal-zefón, ex atzun e kub' tentl tumlal twitz lugar Migdol.

8Kyik'lenxi tuj lugar Pi-hahirot, e ik'x tuj mar ex e pon tuj lugar tzqij tx'otx'. Ox q'ij e b'et tuj lugar tzqij tx'otx' Etam, ex atzun e kub' tentl tuj lugar Mara.

9Kyik'lenxi tuj lugar Mara, e pon tuj lugar Elim jatum attoq kab'laj twi a' ex 70 wi' tqan xa'j, ex atzun e kub' tentl.

10Kyik'lenxi tuj lugar Elim, atzun e kub' tentl ttzi mar Kyaq Ke'yin.

11Kyik'lenxi ttzi mar Kyaq Ke'yin, atzun e kub' tentl tuj tzqij tx'otx' Sin.

12Kyik'lenxi tuj tzqij tx'otx' Sin, atzun e kub' tentl tuj lugar Dofca.

13Kyik'lenxi tuj lugar Dofca, atzun e kub' tentl tuj lugar Alús.

14Kyik'lenxi tuj lugar Alús, atzun e kub' tentl tuj lugar Refidim jatum minti'toq a' te kyk'a aj Israel.

15Kyik'lenxi tuj lugar Refidim, atzun e kub' tentl tuj tzqij tx'otx' t-xe witz Sinaí.

16Kyik'lenxi tuj tzqij tx'otx' t-xe witz Sinaí, atzun e kub' tentl tuj lugar Kibrot-hataava.

17Kyik'lenxi tuj lugar Kibrot-hataava, atzun e kub' tentl tuj lugar Hazerot.

18Kyik'lenxi tuj lugar Hazerot, atzun e kub' tentl tuj lugar Ritma.

19Kyik'lenxi tuj lugar Ritma, atzun e kub' tentl tuj lugar Rimón-perez.

20Kyik'lenxi tuj lugar Rimón-perez, atzun e kub' tentl tuj lugar Libna.

21Kyik'lenxi tuj lugar Libna, atzun e kub' tentl tuj lugar Rissa.

22Kyik'lenxi tuj lugar Rissa, atzun e kub' tentl tuj lugar Ceelata.

23Kyik'lenxi tuj lugar Ceelata, atzun e kub' tentl t-xe witz Sefer.

24Kyik'lenxi t-xe witz Sefer, atzun e kub' tentl tuj lugar Harada.

25Kyik'lenxi tuj lugar Harada, atzun e kub' tentl tuj lugar Macelot.

26Kyik'lenxi tuj lugar Macelot, atzun e kub' tentl tuj lugar Tahat.

27Kyik'lenxi tuj lugar Tahat, atzun e kub' tentl tuj lugar Tara.

28Kyik'lenxi tuj lugar Tara, atzun e kub' tentl tuj lugar Mitca.

29Kyik'lenxi tuj lugar Mitca, atzun e kub' tentl tuj lugar Hasmona.

30Kyik'lenxi tuj lugar Hasmona, atzun e kub' tentl tuj lugar Moserot.

31Kyik'lenxi tuj lugar Moserot, atzun e kub' tentl tuj lugar Bene-jaacán.

32Kyik'lenxi tuj lugar Bene-jaacán, atzun e kub' tentl tuj lugar t-xe witz Gidgad.

33Kyik'lenxi tuj lugar t-xe witz Gidgad, atzun e kub' tentl tuj lugar Jotbata.

34Kyik'lenxi tuj lugar Jotbata, atzun e kub' tentl tuj lugar Abrona.

35Kyik'lenxi tuj lugar Abrona, atzun e kub' tentl tuj lugar Ezión-geber.

36Kyik'lenxi tuj lugar Ezión-geber, atzun e kub' tentl tuj lugar Cades tkub'sa'n tuj tzqij tx'otx' Zin.

37Kyik'lenxi tuj lugar Cades, atzun e kub' tentl t-xe witz Hor tkub'sa'n tmojonil Edom.

38Jax pal Aarón twi witz Hor ik tza'nx otoq tma Qman te, ex atzun o kyim ma chixin tuj tnejel q'ij te tjwe'yin xjaw tej tjapun 40 ab'q'i kyetzlen aj Israel tuj Egipto.

39Otoq japun Aarón twi' 123 ab'q'i tej tkyim twi witz Hor.

40At jun aj Canaán toktoq te rey tuj tnam Arad, ex najltoq tuj Néguev te Canaán, o tb'i qa kyja' kypon aj Israel.

41Kyik'lenxi aj Israel t-xe witz Hor, atzun e kub' tentl tuj lugar Zalmona.

42Kyik'lenxi tuj lugar Zalmona, atzun e kub' tentl tuj lugar Punón.

43Kyik'lenxi tuj lugar Punón, atzun e kub' tentl tuj lugar Obot.

44Kyik'lenxi tuj lugar Obot, atzun e kub' tentl tuj lugar Ije-abarim, tkub'sa'n tuj tmojonil kytx'otx' aj Moab.

45Kyik'lenxi tuj lugar Ije-abarim, atzun e kub' tentl tuj lugar Dibón-gad.

46Kyik'lenxi tuj lugar Dibón-gad, atzun e kub' tentl tuj lugar Almón-diblataim.

47Kyik'lenxi tuj lugar Almón-diblataim, atzun e kub' tentl kyxe witz Abarim tuj tjawitz q'ij te witz Nebo.

48Kyik'lenxi kyxe witz Abarim, atzun e kub' tentl tuj tchq'ajlajil tx'otx' Moab, tkub'sa'n ttzi nima Jordán tumlal twitz tnam Jericó.

49Axtzun e kub' ten ttzi nima Jordán xi'x qe' kytxa'n tuj lugar Bet-jesimot ex max pon b'aj tuj lugar Abel-sitim kyuj tchq'ajlajil tx'otx' Moab.

Tej kypon aj Israel tuj tx'otx' Canaán ex tej tkub' sipet

50Tzaj yolin Qman tuk'il Moisés kyuj tchq'ajlajil tx'otx' Moab, ttzi nima Jordán tumlal twitz tnam Jericó ex tma:

51Q'manxa kye aj Israel kyja': Ok kyik'xe tuj nima Jordán ex ok kyokxe tuj tx'otx' Canaán,

52b'ix tz'ex kylajo'ne kykyaqil xjal najl tuj tx'otx', ex b'ix b'aj kyb'uchine kykyaqil tilb'ilal nno'k kydiosin, ab'j ex k'uxb'il kytx'otx'il, ex b'ix kub' kytiline kykyaqil lugar in che ajb'en te kyk'ulb'il kywi' qe witz.

53Kytzyume tx'otx' ex che najane twitz, porke wu'ne kxel nq'o'ne kyeye tu'n tok te kyetzb'ile.

54Tuj swertin kb'el kysipane tx'otx' kyxol kykyaqil k'loj kyiyjil aj Israel; kye qeju k'loj mas nim kyb'aj, ax mas nim kytx'otx' tu'n t-xi q'ot, ex kye qeju k'loj mya nim kyb'aj, ax mya nim kytx'otx' tu'n t-xi q'ot. Kb'el kysipane tx'otx' kyxole ik tza'n junjun k'loj kyiyjile. Noq jatum ok tma swert, atzun kytx'otx' ok kyk'ma'.

55Qatzun minti' ma che ex kylajo'ne qe xjal najl tuj tx'otx' lu, aqeju ax che kyjel ten che okel te kyeye ik tza'n ch'i'x tuj tb'aq' kywitze, ex ik tza'n ch'ut ti'j kyximlale, ex che yajlanjtzele kyu'n ok kynajane tuj tx'otx' lu,

56ex kyi'jxe kb'antel wu'ne aju ximamaj tu'n tb'ant kyi'j qe xjal lu, chi Qman te Moisés.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help