1A jlu mya b'a'n ela tuj twitz Jonás, ex tzaj nimxix tq'oj tu'n tlaj.
2Kyja'tzun ok ten na'l Dios ex tma:
—B'intza Nman, atzun jlu o nmaye tej atinxtoqe tuj ntanmiye. Kyja'tzun kub' nximane tu'n nxi oq naje tuj tnam Tarsis, porke b'a'n wu'ne aya jun Dios jurat in kub' tk'u'ja ex in tzaj q'aq'an tk'u'ja, mya jurat naj in jaw q'ojla ex at nim tk'ujlalila, in tma'na tu'n ttzaj castiw, pero jurat in ch'expet t-ximb'etza tu'n mi'n ttzaj.
3Kyja'tzun Nman, in chin kub'sane twitza tu'n nkyime tu'na. Mas b'a'n te weye tu'n nkyime twitzju tu'n wanq'ine.
4Atzunte Qman tzaj ttzaq'we'n:
—¿B'a'npe in tb'incha'na tu'nju in jaw q'ojla?
5Etztzun Jonás tuj tnam ex kub' ten ttxa'n tnam tuj tjawitz q'ij, jaw tb'incha'n jun tal t-xmu'j ex kub' qe' tjaq' t-xlekumal, in ayon ti'j alkye tu'n tb'aj ti'j tnam.
6O tb'incha Qman Dios tu'n ttzaj ch'iy jun wi' aq' tib'aj Jonás te t-xmu'j, tu'ntzun tten t-xlekumal tib'aj twi', tu'ntzun puro b'a'n tu'n tela tna'n; ex nimxix o tzalaj Jonás ti'j tqan aq'.
7Tejtzun qsqix te juntl q'ij, tzaj t-sama'n Dios jun ẍuq' tu'n tok twa'n t-xe tlok' ex b'i'x tzqij aq'.
8Tejtzun tqoptz'aj q'ij, tzaj t-sama'n Dios jun nintz kyq'iq' nim tkyaqal tzaj tuj tjawitz q'ij; ax ikx nno'ktoq ta'w q'ij wen ti'j twi' Jonás, ex tu'n jlu el b'aj tipun ex o tajb'e tu'n tkyim. Kyja'tzun o tma kyja':
—Mas b'a'n te weye tu'n nkyime twitzju tu'n wanq'intle, chi Jonás.
9Ex tzaj ttzaq'we'ntl Dios:
—¿B'a'npe in tb'incha'na tu'nju in jaw q'ojla ti'j tqan aq' ma tzqij? Chi Dios.
—Ax tok b'a'n, in chin q'ojle wen ex wajb'ile tu'n nkyime, chi Jonás.
10Atzunte Qman tzaj tma'n:
—Teya ma tzaj tz'e'y tk'u'ja ti'j tqan aq' ex mya aya xku'x awante, ex mya tu'na xch'iy; tuj junx qonik'an xjawil poq'l, ex te juntl qonik'an ma tzqij.
11Kyja'tzun tuj tumel tu'n ttzaj tz'e'y nk'u'je ti'j tnam Nínive, porke tuj nintz tnam lu at mas te jun syent tuk' winqin mil k'wa'l minti' kyil ex nimku alumaj, chi Qman.
Who We AreWhat We EelieveWhat We Do
2025 by iamachristian.org,Inc All rights reserved.
