1Aju xjal at tnab'l jaw tb'incha'n jun tja ex b'aj t-xpe'lin wuq tqan;
2kub' tb'yo'n txqan alumaj tu'n tb'ant jun nintz wa'n tu'n, ex b'aj tb'incha'n ta'l twitz uva te k'ab'j tb'anil wen, ex kub' tq'o'n tkyaqil twi mes,
3ex e je'xtzun t-sama'n qe tmajen xu'j q'malte tqanil kyuj qe lugar ma' kyjaw tib'aj tnam, che chi kyja':
4Kytzaje, aqeye ku'xun na'nx tok kynab'le. Ax ikx xi tma'n kye qe xjal minti' kynab'l:
5Kytzaje wa'l ti'j wab'j ma b'ant wu'ne ex che k'ane ti'j ta'l twitz uva ma b'aj nb'incha'ne.
6Mi'n kukx che oke minti' kynab'le, ex che anq'iltzune; che b'ete ik tza'n jun xjal at tnab'l, chi xjal at tnab'l.
7Qa ma txi tkawina ju xjal jawni twitz ex b'inchal mya b'a'n, k'okel tzoqpaj ti'ja tuk'il tyol mya b'a'n ex k'elel ik'una tu'n.
8Mi'n tz'ok tmayo'na ju xjal jawni twitz, tu'ntzun mi'n tel ik'una tu'n; kawinxa ju xjal at tnab'l ex mas ktel tk'ujlalil ti'ja.
9Q'onxa xnaq'tzb'il teju xjal at tnab'l ex k'okel mas tnab'l; q'onxa xnaq'tzb'il teju xjal tz'aqlxix ex ktel mastl tojtzqib'l.
10Qa ma qo niman te Qman, atzun in xe't tu'n tten qnab'l, ex qa ma tz'el qnik' ti'j ju Dios Xjanxix, atzun in knet ojtzqib'l qu'n.
11Tu'n nab'l kxel laq'e' tuj tq'ija, ex nim q'ij k'anq'ila.
12Qa at tnab'la, texa k'ajb'el jlu; qa jawni twitza, tu'nxa ktzajel ti'na mya b'a'n tib'aja.
13Aju xu'j minti' tnab'l in che jaw tilj xjal tu'n tyol, mya tuj ttxolil in yolin ex minti' ch'in b'a'n tu'n.
14In kub' qe' tuj jun siy ttzi tja, tuj jun lugar mas ma' tjaw tib'aj tnam,
15ex in che tzaj ttxko'n qe xjal in che b'et tuj kyb'e ex in xi tma'n kye:
16Kytzaje aqeye ku'xun na'nx tok kynab'le. Ax ikx in xi tma'n kye xjal minti' kynab'l:
17Aju a' elq'a'n in tzaj mas chi' tk'anjtz; ex aju pan in xi wa't tuj ewaj k'ok'j wab'l te, chi xu'j.
18Ex minti' b'a'n kyu'n xjal qa atzun ta' kamik tuj tja xu'j lu, ex qeju in che txkonjtz tu'n, max kyku'x qe t-xe'pun kynajb'il kyimni.
Who We AreWhat We EelieveWhat We Do
2025 by iamachristian.org,Inc All rights reserved.
