1Nman Dios, tu'n qẍkyine o qb'iye, o tzaj kyma'n qe qmane qeye ti'j ju tb'inchaya tuj q'ij tej kyten qe qxe'chele, tuj tq'ijlalil ojtxi:
2tu'nx tq'ab'a e ex tlajo'na qe xjal mya okslal ti'ja, kub' tq'o'na kycastiw qe nasyon, ex atzun e kub' tq'o'na qe qxe'chele tuj kytx'otx'.
3Mya tu'n kyex kyq'ab' ex mya tu'n kyex kyspad e kamb'an; mya kyu'nx o tzyet aju tx'otx'. O tzyet tu'n tipumala ex tu'n tq'ab'a ex tu'n t-xtalb'ila kyib'aj, tu'nju k'ujla'n qe tu'na.
4Aya nreye. Aya Ndiose. Tu'na o kamb'an aju tnam etzan tu'na.
5Noq tu'na o kub' kyi'j qe aj q'oj qu'ne, tu'n tipumala e kub' tz'aq twitz tx'otx' qeju e ok tzoqpaj qi'je.
6Ex mlay tz'ok qe' nk'u'je ti'j xob'l plech q'i'n wu'ne, ex mlay chin kamb'ane tu'nju nspadiye;
7tu'na kub' kyi'j qe aj q'oj qu'ne, ex tu'na kub' kych'ixwi qeju in che ik'un qi'je.
8Noq ti'ja in qo tzalaje Qman Dios, ex kukx kjawil qnimsa'ne tb'iya.
9Ex ma qo el tik'una; ex ma kub' tq'o'na qch'ixwiye. Ex minti'tl in b'eta kyuk'il qsoldadiye ok kyex tuj q'oj.
10Tu'nju minti' ma tz'onina quk'ile ma qo el oqe kywitz qe aj q'oj qi'je; ex qeju in che ik'un qi'je in xi kyelq'a'n aju at qeye, ex in xi kyi'n noq alkye kyaj.
11Ma qo'x tq'o'na tuj kyq'ab' ik tza'n jun ẍne'l in xi q'i'n tu'n tpon jatum tu'n tkub' b'yo'n; ex ma qo b'aj t-sputuna kyxol qe xjal mya okslal qe ti'ja;
12puro barat ma txi tk'a'yina ju tnam etzan tu'na, ex minti' jun ma tkamb'aya ti'j tu'nju ma txi tk'a'yina.
13Tu'na ma tzaj qch'ixwiye kywitz qe qvesine, ma qo oke te tzeb'l ex te xmayb'il kyu'n qeju txolin kyten qi'jele.
14Tu'na in che xmayin qi'je qe xjal mya okslal ti'ja; ex ok qok ke'yine kyu'n, in xi kyyukun kywi' te xmayb'il qeye.
15Tkyaqil q'ij in tzaj nch'ixwiye; ex tu'n nch'ixwiye xi wewan nwitze,
16tu'n kyyol qeju in che yasun ex in che ilin wi'je, ex tu'n kylaj qe aj q'oj ex qeju kyaj tu'n t-xelin wi'je kyu'n.
17Ma tzaj jlu qi'je mya tu'nju mawt tzik' tna'njtza qu'ne. B'ajx qo el jolpaje ti'j ju yol o kyaj b'ant ti'j tu'na.
18Minti' in kub' qximane tu'n tkyaj qkoline, ex minti' ma che kyaj qq'o'ne qe tb'eya.
19Atzun teya ma qo naje tu'na kyuj qe lugar tzqij tx'otx' minti' kynajb'il xjal tuj. Ma qo kub' tq'o'na tjaq' jun qlolj xob'ajilxix.
20Noqwit ma tzik' tna'njtza qu'ne, Dios, ex noqwit ma qo k'ulune twitz junxitl dios,
21mawtlo tila, porke nne'l tnik'a ti'j aju at tuj ewaj tuj tanmi xjal.
22Ex noq tu'n tlaja kukx nne'lje' qi'je tu'n qkub' b'yo'ne; in qo ok q'o'ne ik tza'n qe ẍne'l in che kub' b'yet.
23¿Tiqu'n nnik' tana, Nman? Q'i'mel twatla, q'i'mel twatla. Mi'n qo el tik'una te jumajx.
24¿Tiqu'n in xi tewan tib'a? ¿Tiqu'n ma tzik' qna'njtze tu'na? Nimxix in qo yajlanjtze ex ato'ye tuj b'is.
25Ma b'aj qipune ex ma tzaj qb'ise ex lu qximlale palch twitz tx'otx'.
26We'ktza, tzaja onil qeye ex qo tkloma tu'n tk'ujlalila ma'xix.
Who We AreWhat We EelieveWhat We Do
2025 by iamachristian.org,Inc All rights reserved.
