Nehemías 10 - Mam Huehuetenango New Ortography

1Qe xjal e pirmarin ti'j u'j lu, atzun qe jlu: Aqine Nehemías gobernador, aju tky'ajal Hacalías, tuk'ix Sedequías,

2Seraías, Azarías, Jeremías,

3Pasur, Amarías, Malquías,

4Hatús, Sebanías, Maluc,

5Harim, Meremot, Obadías,

6Daniel, Ginetón, Baruc,

7Mesulam, Abías, Mijamín,

8Maazías, Bilgai ex Semaías. Aqe jlu pal qe.

9Ex qe aj Leví, atzun qe jlu: Jesúa aju tky'ajal Azanías, Binúi aju tiyjil Henadad ex Cadmiel;

10kyuk'ix qe terman, ex atzun qe jlu: Sebanías, Hodías, Kelita, Pelaías, Hanán,

11Micaía, Rehob, Hasabías,

12Zacur, Serebías, Sebanías,

13Hodías, Bani ex Beninu.

14Qe nejenel kye tnam xjal, atzun qe jlu: Paros, Pahat-moab, Elam, Zatu, Bani,

15Buni, Azgad, Bebai,

16Adonías, Bigvai, Adín,

17Ater, Ezequías, Azur,

18Hodías, Hasum, Bezai,

19Harif, Anatot, Nebai,

20Magpías, Mesulam, Hezir,

21Mesezabeel, Sadoc, Jadúa;,

22Pelatías, Hanán, Anaías,

23Oseas, Hananías, Hasub,

24Jalohes, Pilha, Sobec,

25Rehum, Hasabna, Maasías,

26Ahías, Hanán, Anán,

27Maluc, Harim ex Baana.

Xi kytziyan tnam xjal txqantl yol te Dios

28Atzun qe txqantl xjal, qe pal, qe aj Leví, qe xq'uqil kytzi tlamel tnam, qe b'itzal, qe ajb'el tuj tja Dios ex kykyaqil qeju otoq tz'el kypa'n kyib' kyi'j qe xjal tuj lugar lu tu'n tjapun tley Dios kyu'n, kyuk'ix qe kyxu'jil, qe kyky'ajal ex qe kyme'jel, aqeju otoq tz'ok kyximb'etz,

29ok kymojb'an kyib' kyuk'il qeju at kyxilen kyuk'il ex kyuk'il qe nejenel kye, tu'n t-xi kytziyan jun yol axix tok twitz Dios, tu'n kyb'et ik tza'nx in tma'n ley aju tzaj tq'o'n Dios te Moisés aju tmajen, ex tu'n kyjapunxix kykyaqil tmandamyent Qman kyu'n, qe orden tu'n ex qe tley.

30Kyja'tzun xi kyma'n kyja': Mlay che'x qq'o'ne qe qme'jele tu'n kymoje' kyuk'il qe xjal najl tuj tx'otx' lu ex mlay txi qq'o'ne amb'il tu'n kymoje' qe kyme'jel kyuk'il qe qky'ajale.

31Ex ok kyul qe xjal te tx'otx' lu, aqeju mya Judiy qe, k'ayil kyk'a'ẍ ex k'ayil tkyaqil txkaj twitz kyawal kyuj q'ij te ojlab'l, mi jun kyk'a'ẍ k'elel qlaq'o'ne, mi tuj q'ij te ojlab'l ex mi tuj alkyex juntl ninq'ij; ax ikx tuj twuqin ab'q'i k'ojlal tx'otx' qu'ne ex kb'el qnajsa'ne kyk'as qeju at kyk'as quk'ile.

32Ax ikx b'ant ti'j qu'ne tu'n t-xi qq'o'ne jun tal saq pwaq tuj junjun ab'q'i tu'n tajb'en tuj tja Dios,

33tu'n tajb'en tu'n kyb'ant qe pan in che kub' ten twitz Dios, kyuk'ix qe oyaj twitz awal tu'n tkub' ten tkyaqil q'ij, kyuk'ix qe oyaj patun in che kub' tkyaqil q'ij, kyuk'ix qe chojb'il in che'x q'ot kyuj q'ij te ojlab'l ex kyuj ninq'ij ok ttzaj ke'yin juntl ak'aj xjaw, ex kyuj junjuntl ninq'ij ma' kyoklen, ex kyi'j oyaj xjansa'maj, kyuk'ix qe chojb'il te najsb'il kyil aj Israel, ex ti'j tkyaqilju in ajb'en tuj k'ulb'il tuj tja Dios.

34Ax ikx qe pal, qe aj Leví ex kykyaqil tnam xjal, ik tza'nx kyajlal qe junjun k'loj at kyxilen kyxolx, jaw qi'ne swert kyi'j alkye k'loj kyiyjil tu'n kytzaj q'inte si' tuj junjun ab'q'i tuj tja Dios tuj q'ij b'anin ti'j, tu'n tajb'en te patb'il chojb'il twi altar te Qman aju Qdiose, ik tza'nx tz'ib'amaj tuj ley.

35Ax ikx b'ant ti'j qu'ne tu'n t-xi qi'ne tkyaqil ab'q'i tuj tja Qman, qe tnejel kywitz awal nne'l tuj qkojb'ile, tuk'ix kywitz kykyaqil awal b'a'n tlo'njtz twitz,

36ax ikx tu'n kyxi qi'ne tuj tja Qman Dios, kywitz qe pal in che ajb'en tuj tja, qe nej qky'ajale ex qe tnejel kyal qe qwakẍe ex qe tnejel kyal qe qẍne'le, ik tza'nx tz'ib'an tuj ley.

37Ax ikx b'ant ti'j qu'ne tu'n t-xi qi'ne tuj k'ub'l twitz awal tuj tja Dios, aju tnejel arin in b'ant qu'ne ex tnejel kywitz kykyaqil tze' b'a'n tlo'njtz kywitz, ex tnejel ta'l twitz uva ex tnejel chib'j aseyt in b'ant qu'ne, tu'ntzun tajb'en kye qe pal. Ax ikx tu'n t-xi qi'ne tlaji'n ti'j twitz awal in jaw tuj qkojb'ile, tu'n tajb'en kye aj Leví, tu'nju aqe at kyoklen tu'n kyk'monte tlaji'n twitz qawale.

38Ex oktzun kyxi' aj Leví q'ilte tlaji'n ti'j twitz awal, aju b'anin te kye, kxel kyuk'in jun pal tiyjil Aarón kyuk'il. Atzun kye aj Leví k'elel kypa'n tlaji'n ti'j tlaji'n otoq kyk'am, ex kxel kyi'n tuj k'ub'l twitz awal tuj tja Dios.

39Porke qe aj Israel ex qe aj Leví in xi kyi'n oyaj ti'j twitz triw, ta'l twitz uva ex chib'j aseyt tuj lugar jatum k'u'n qe makb'il xjan ex jatum ate' qe pal in che ajb'en tuj tja Dios ex jatum ate' qe xq'uqil ttzi tja Dios ex qe b'itzal. Ex xi qtziyane tu'n mi'n tkyaj qkoline tja Dios.