1Erman, qa at jun kyxole ma kub' tz'aq tuj jun til, kywa'banctze juntl maj aqeye at tipumal Xewb'aj Xjan kyuk'ile, tuj cheb'a kymanxe te. Ten kykwente kyi'je, mya yajku ikx kyeye che oke tuj joyb'il kyi'je.
2Che onine ti'j kyiqatz txqantl, kyja'tzun tten tu'n tjapun tley Crist kyu'ne.
3Porke alkye in ximan ti'jx qa at toklen ex minti' toklen, in kub' t-sb'un tib'.
4Teyle junjun tu'n tik' twitz ti'j tex taq'unb'en; kyja'tzun b'a'n tu'n ttzalaj ti'j taq'unb'en ex mya ti'j taq'unb'en juntl.
5Porke teyle junjun tu'n t-xi tiqan tex tiqatz.
6Aju in xnaq'tzanjtz ti'j tyol Dios, b'a'n tu'n t-xi tq'o'n ch'in teju xnaq'tzal te ti'j tkyaqilju b'a'n at te.
7Mi'n che el tzpete ti'j: Ate Dios mlay b'ant t-xmayinjtz, porke alkyeju in ku'x tawa'n xjal, axtzunju kjawil tchmo'n.
8Porke aju xjal in tb'incha'n tajb'il tchib'jal, knajel tu'n tajb'il tchib'jal. Atzunju in tb'incha'n tajb'il Xewb'aj Xjan, ktel tchwinqlal te jumajx tu'n Xewb'aj Xjan; ik tten jlu ik tza'n jun awal in ku'x awet ex in jaw chmet twitz.
9Kyja'tzun mi'n qo sikt tu'n qb'inchante aju b'a'n; porke ok qk'ma' t-xel ok tpon tq'ijlalil, qa minti' ma qo kub' numj.
10Kyja'tzun tkyaqil maj qa at tumel, qb'incham b'a'n kye kykyaqil, ex tnejelxix kye qe erman tuj okslab'l.
In xi tq'o'n Pablo kynab'l okslal ex in che'x tq'olb'e'n11Kyke'yinxe qe nmaq letr ma che kub' ntz'ib'ane kyeye, tu'nx nq'ab'e ma kub' ntz'ib'ane.
12Kykyaqil qeju nimxix kyajb'il ti'j sircunsisyón, atzun qe in che ok jwersin te kyeye tu'n kysircunsidarinjtze, atzun kyajb'il tu'n kyten b'a'n kyuk'il xjal ex tu'n mi'n kyyajlanjtz tu'n tlaj ju yol ti'j tcrus Crist.
13Porke ax qeju sircunsidarimaj qe minti' in japun ley kyu'n; noq o'kx kyajb'il tu'n kyok jwersine kyu'n tu'n kysircunsidarinjtze, tu'ntzun tjaw kyniman kyib' tu'nju otoq che sircunsidarinjtze.
14Pero weye mlay chin tzalaje ti'j juntl, noq o'kx tu'n ntzalaje ti'j tcrus Qajaw Jesucrist, porke tu'nju kyim Crist twitz crus, ik tza'n kyimni ma che ok kykyaqil ti'xti at twitz tx'otx' tuj nwitze, ax ikx weye in nna'ne ik tza'n kyimni ma chin oke tuj kywitz.
15Porke noq tu'nju okslal qo' ti'j Crist, junx ta' qa sircunsidarimaj qo' ex qa mya sircunsidarimaj qo'; aju mas il ti'j, tu'n qok te ak'aj.
16Kykyaqil qeju in che b'et ik tza'nx in tma'n ju yol lu, atzun qeju axix tok aj Israel qe ex etzan qe tu'n Dios; tenwt kymojb'ab'l kyib' ex tzajxwit q'aq'an tk'u'j Dios kyi'j.
17Texju ja'lo kuchiwt mi jun tz'ok ik'len te weye porke tok techal k'ixb'len ti'j nximlale, aju techal lu in tyek'un qa ax tok tmajen Qajaw Jesús qine.
18Erman, tenwt t-xtalb'il Qajaw Jesucrist tuj kyanmiye. Ikxwitju.
Who We AreWhat We EelieveWhat We Do
2025 by iamachristian.org,Inc All rights reserved.
