1E je'x qe nejenel kye teyle junjun k'loj tiyjil Leví tu'n kyyolin tuk'il pal Eleazar, tuk'il Josué ex kyuk'il qe nejenel kye teyle junjun k'loj kyiyjil aj Israel.
2E pon tuj Silo tuj tx'otx' Canaán ex xi kyma'n kye kyja': O tzaj tma'n Qman te Moisés tu'n ttzaj tq'o'n qe tnam qeye jatum tu'n qnajane kyuj, kyuk'ix qe kojb'il te kywab'l qwakẍe.
3Xitzun kyq'o'n aj Israel junjun tnam ti'jx kye kyetzb'il te kye aj Leví, kyuk'ix qe kojb'il te kywab'l wakẍ, ik tza'nx otoq tma Qman.
4Tnejel jaw swert kyi'j teyle junjun k'loj tiyjil Coat aju tky'ajal Leví. O kyk'am aj Coat, aqeju tiyjil pal Aarón, oxlaj tnam, aqeju kyetoq qe tiyjil Judá, tiyjil Simeón ex tiyjil Benjamín.
5Atzun kye txqantl tiyjil Coat o kyk'am lajtl tnam, aqeju kyetoq qe tiyjil Efraín, tiyjil Dan ex mij tiyjil Manasés.
6Xi q'o'n oxlaj tnam te kye qe tiyjil Gersón, ik tza'nx swert jaw kyi'j. Aqeju tnam lu kyetoq qe tiyjil Isacar, tiyjil Aser, tiyjil Neftalí ex mijtl tiyjil Manasés aju at tuj Basán.
7Atzun kye kykyaqil tiyjil Merari xi q'o'n kab'laj tnam, aqeju kyetoq qe tiyjil Rubén, tiyjil Gad ex tiyjil Zabulón.
8Tu'n swert kub' kysipan aj Israel qe tnam kyxol aj Leví, kyuk'ix qe kojb'il te kywab'l wakẍ, ik tza'nx otoq tma Qman te Moisés.
9Atzun qe tnam lu xi kyq'o'n tiyjil Judá ex tiyjil Simeón
10te kye aj Leví aqeju tiyjil Coat, ex elni qe ti'j Aarón, ex aqe e kamb'an ti'j swert jaw nej:
11Tuj lugar tiwitz tx'otx' kye aj Judá xi kyq'o'n tnam Quiriat-arba kye, aju ax juntl tb'i Hebrón, kyuk'ix qe kojb'il te kywab'l wakẍ ate' kyi'jele. (Ate Arba tman ju nintz xjal Anac.)
12Ex aju tx'otx' ex qe aldey teju tnam lu xi kyq'o'n te tetzb'il Caleb aju tky'ajal Jefone.
13Otoq tz'ok tnam Hebrón te kykolb'il kyib' xjal, aqeju otoq kub' jun xjal kyu'n, ex xi q'o'n te kye qe tiyjil Aarón, kyuk'ix qe tnam lu: Libna,
14Jatir, Estemoa,
15Holón, Debir,
16Aín, Juta ex Bet-semes; b'elaj tnam tu'n tkyaqilx xi kyq'o'n qe tiyjil Judá ex qe tiyjil Simeón kye, kyuk'ix qe kojb'il te kywab'l wakẍ ate' kyi'jele.
17Ex qe tiyjil Benjamín xi kyq'o'n qe tnam lu: Gabaón, Geba,
18Anatot ex Almón; kyaje tnam tu'n tkyaqilx, kyuk'ix qe kojb'il te kywab'l wakẍ ate' kyi'jele.
19Kyja'tzun, aqeju tnam e ok te kye qe pal aqeju tiyjil Aarón, japun oxlaj tu'n tkyaqilx, kyuk'ix qe kojb'il te kywab'l wakẍ ate' kyi'jele.
20Atzun kye txqantl tiyjil Leví, aqeju tiyjil Coat, kub' sipan junjun tnam kyxol, aqeju tnam kye tiyjil Efraín.
21Tuj tiwitz tx'otx' kye aj Efraín xi q'o'n tnam Siquem, aju tnam te kykolb'il kyib' xjal aqeju otoq kub' jun xjal kyu'n, ex xi q'o'ntl tnam Gezer,
22tuk'ix Kibsaim ex Bet-horón; kyaje tnam tu'n tkyaqilx, kyuk'ix qe kojb'il te kywab'l wakẍ ate' kyi'jele.
23Ax ikx qe tiyjil Dan xi kyq'o'n qe tnam lu kye: Elteque, Gibetón,
24Ajalón ex Gat-rimón; kyaje tnam tu'n tkyaqilx, kyuk'ix qe kojb'il te kywab'l wakẍ ate' kyi'jele.
25Ex qe mij tiyjil Manasés xi kyq'o'n tnam Taanac kye, tuk'ix tnam Gat-rimón, kyuk'ix qe kojb'il te kywab'l wakẍ ate' kyi'jele.
26Kyja'tzun, aqeju tnam ok te kye txqantl k'loj tiyjil Coat, b'ant laj tu'n tkyaqilx, kyuk'ix qe kojb'il te kywab'l wakẍ ate' kyi'jele.
27Xi q'o'n kab'e tnam kye aj Leví, aqeju tiyjil Gersón, kyu'n mij tiyjil Manasés, kyuk'ix qe kojb'il te kywab'l wakẍ ate' kyi'jele, ex atzun qe jlu: Tnam Golán aju at tuj Basán, aju tnam te kykolb'il kyib' xjal aqeju otoq kub' jun xjal kyu'n, tuk'ix tnam Beestera.
28Qe tiyjil Isacar xi kyq'o'n qe tnam lu kye: Cisón, Daberat,
29Jarmut ex En-ganim; kyaje tnam tu'n tkyaqilx, kyuk'ix qe kojb'il te kywab'l wakẍ ate' kyi'jele.
30Qe tiyjil Aser xi kyq'o'n qe tnam lu kye: Miseal, Abdón,
31Helcat ex Rehob; kyaje tnam tu'n tkyaqilx, kyuk'ix qe kojb'il te kywab'l wakẍ ate' kyi'jele.
32Qe tiyjil Neftalí xi kyq'o'n ox tnam kye, kyuk'ix qe kojb'il te kywab'l wakẍ ate' kyi'jele, ex atzun qe jlu: Tnam Cedes aju at tuj Galilea, aju tnam te kykolb'il kyib' xjal aqeju otoq kub' jun xjal kyu'n, tuk'ix tnam Hamot-dor ex tnam Cartán.
33Kyja'tzun, aqeju tnam ok te kye qe tiyjil Gersón, japun oxlaj tu'n tkyaqilx, kyuk'ix qe kojb'il te kywab'l wakẍ ate' kyi'jele.
34Atzun qe tiyjil Zabulón xi kyq'o'n kye txqantl tiyjil Leví, aqeju tiyjil Merari, qe tnam lu: Jocneam, Carta,
35Dimna ex Naalal; kyaje tnam tu'n tkyaqilx, kyuk'ix qe kojb'il te kywab'l wakẍ ate' kyi'jele.
36Ax ikx qe tiyjil Rubén xi kyq'o'n qe tnam lu kye: Beser, Jahaza,
37Cademot ex Mefaat; kyaje tnam tu'n tkyaqilx, kyuk'ix qe kojb'il te kywab'l wakẍ ate' kyi'jele.
38Ex qe tiyjil Gad xi kyq'o'n tnam Ramot kye, aju at tuj Galaad, aju tnam te kykolb'il kyib' xjal aqeju otoq kub' jun xjal kyu'n, kyuk'ix qe tnam Mahanaim,
39Hesbón ex Jazer; kyaje tnam tu'n tkyaqilx, kyuk'ix qe kojb'il te kywab'l wakẍ ate' kyi'jele.
40Kyja'tzun, aqeju tnam e ok te kye txqantl tiyjil Leví, aqeju tiyjil Merari, japun kab'laj tu'n tkyaqilx.
41Aqeju tnam e ok te kye aj Leví, ax kyxol aj Israel, b'ant 48 tnam tu'n tkyaqilx, kyuk'ix qe kojb'il te kywab'l wakẍ ate' kyi'jele.
42Aju kojb'il te kywab'l wakẍ ax ate' kyi'jele tnam, ex iklex tten junjun tnam lu.
Ate Qman tz'aqlxix te43Kyja'tzun tten xi tq'o'n Qman kye aj Israel tkyaqil tx'otx' otoq txi ttziyan kye qe kyxe'chel, atzun e kub' ten ex axtzun e najan tuj.
44O japun tu'n Qman aju yol otoq txi ttziyan, ex o che ten tuj txub'txaj tu'n tuj tkyaqil tx'otx'. Mi jun aj q'oj kyi'j b'ant tu'n kywe' kywitz, porke tu'n Qman e tzaj tq'o'n tkyaqil aj q'oj kyi'j tuj kyq'ab'.
45Minti' jun yol minti'wt o japun ti'j tkyaqilju tzaj ttziyan Qman tu'n tb'inchante kye aj Israel; tkyaqil o japun tu'n.
Who We AreWhat We EelieveWhat We Do
2025 by iamachristian.org,Inc All rights reserved.
