1Kyb'itzanxe jun b'itz ak'aj te Qman porke o tb'incha qe b'inchb'en ma'xix kyxilen. O kamb'an ti'j tkyaqil tu'nju tipumal ma'xix ex tu'n tq'ab' xjan.
2O tzaj tma'n Qman tqanil aju tkamb'ab'l, o tzaj tyek'un aju tten tz'aqlxix kywitzku qe nasyon;
3ma tzaj tna'n tk'ujlalil kyi'j aj Israel, ex kukx tjapun tu'n aju o txi ttziyan kye. Tuj tkyaqil twitz tx'otx' o ilwaj aju kamb'ab'l tu'n Qman Dios.
4Che b'itzane te Dios tuk'il tzalajb'il aqeye najl tuj tkyaqil twitz tx'otx'; che tzalajxe nim ex che b'itzane qe b'itz.
5Che b'itzane qe b'itz te Qman tuk'il tq'ajq'ajel twi chnab' arpa, ex tuk'il tq'ajq'ajel kywi kitar.
6Che b'itzane tuk'il tzalajb'il twitz Qman aju rey; che b'itzane tuk'il tq'ajq'ajel kywi' chun.
7E tjululun mar tuk'ix tkyaqilju at tuj, tuk'ix tx'otx' ex kykyaqil qeju najl twitz;
8e kyjaw tzalaj qe nima; e kysch'in qe witz junx tuk'il tzalajb'il,
9twitz Qman aju tzul kawil twitz tx'otx'. Parej kkawil kyib'aj qe tnam ate' twitz tx'otx', ex tuj tumelxix.
Who We AreWhat We EelieveWhat We Do
2025 by iamachristian.org,Inc All rights reserved.
