1Nman, in tzalaj rey tu'nju ma txi tq'o'na tipumal; nim in tzalaj ex tu'na ma kamb'an.
2Ma tzaj tq'o'na qe tajb'il; minti' ma kub' txk'a'yina qe tqanb'etz.
3Ma tk'ama tuk'il nimku ky'iwb'il, ex ma jax tq'o'na jun coron q'an pwaq tuj twi'.
4Xi tqanin tchwinqlal teya, ex tzaj tq'o'na ma' tuj tchwinqlal ex te jumajx.
5Noq tu'nju onb'il tu'na, ma'xix ma tz'ok tipumal, ma txi tq'o'na nimb'il te ex toklen ma'xix.
6Ma kub' tky'iwla'na te jumajx; ma noj tu'n tzalajb'il tu'nju aya at tuk'il.
7Aya rey, mlayx kub' tz'aqa tu'nju q'uql tk'u'ja ti'j Qman; q'uql tk'u'ja ti'j tk'ujlalil Dios aju ma'xix toklen.
8Tu'n tipumala kb'el kyi'j kykyaqil aj q'oj ti'ja; ex tu'n tb'anq'ab'a kb'el kyi'j qeju in che ik'un teya;
9b'i'x che okex tq'o'na qe tuj jun jorni in k'ant tu'n q'aq' ok tula tu'n tkub' kysentens tu'na. Tu'n tq'oj Qman che b'el tz'e'y tu'n q'aq'.
10Che najel qe kyk'wa'l ex qe kyiyjil tu'na, mi a'l jun kyjel anq'in kyxol xjal.
11Maske kyaj tu'n kyb'inchante jun mya b'a'n ti'ja ex qa tu'n tb'aj kyximan jun ti'xti ti'ja, ex mlay b'ant kyu'n.
12Tu'na che k'elel oq ok t-xi tumla'na plech kyi'j.
13Kjawil qnimsane tb'iya Qman, tu'nju nim tipumala. Qo b'itzale ex kxel qq'o'ne chjonte teya tu'n tipumala ma'xix.
Who We AreWhat We EelieveWhat We Do
2025 by iamachristian.org,Inc All rights reserved.
