Salmos 60 - Mam Huehuetenango New Ortography

Tna'j Dios David te qanb'il onb'il te DiosAju b'itz lu kub' ttz'ib'an David tej tq'ojin tuk'il Aram-naharaim ex tuk'il Aram te tnam Soba, ex ajtz meltz'aj Joab ex e kub' tb'yo'n kab'laj mil xjal te tnam Edom tuj chq'ajlaj Atz'an tb'i.

1Nman Dios, tu'n tq'oja ma qo kyaj tkolina, ma kub' qi'je tu'na; q'ontza qipune juntl maj.

2O tzaj lu'lun tx'otx' tu'na ex o tz'el k'ab'chaj; jpun oka juntl maj qe tpa'xil, porke nib'an tb'aj xitj.

3Aju tnam etzan tu'na ma tz'ok tq'o'na tuj malb'il kyuwxix, mer ik tza'n vin ma tzaj tq'o'na qeye ex ma qo pich'jeye tu'n;

4ja'lo q'onxa jun techal kye qeju in che niman teya, tu'ntzun kykolpaj kye qe plech in che tzaj xo'n.

5Qo ttzaq'wentza, ex qo tkloma tu'n tipumala. Kolina kyi'j qeju in che tk'ujla'na.

6O tzaj tma'n Dios tuj tja xjan kyja': Tuk'il tzalajb'il kb'ajel npa'ne tuj piẍun aju tx'otx' Siquem, ex kb'ajel npa'ne ju chq'ajlaj Sucot.

7Aju tx'otx' Galaad ex ju tx'otx' Manasés weye qe; ate Efraín ik tten te weye ik tza'n jun pasb'il k'uxb'il tjax tuj nwi'ye; ate Judá ik tten te weye ik tza'n nvare tu'n nkawine;

8ate Moab ik tten te weye ik tza'n jun palangan jatum tu'n tel ntx'jo'ne nq'ab'e; ex tib'aj ju tx'otx' Edom kxel nxo'ne nxajb'iye te jun techal qa otoq tz'ok te weye; chin jawil sch'ine tu'nju otoq chin kamb'ane kyi'j aj Filisteo.

9¿Alkye kxel q'inte weye tuj tnam tok muro ti'j? ¿Alkye kxel ẍaqlunte weye tu'n npone max tuj Edom?

10Nman Dios, ma qo el tik'una; minti'tl nne'tza kyuk'il qe qsoldadiye.

11Qo tonintza tu'n tkub' kyi'j qe aj q'oj qi'je, ex minti'x tajb'en aju onb'il kyu'n xjal.

12Noq tu'nju onb'il tu'n Dios ok qo kamb'al; ex tu'n kb'el kyi'j qe aj q'oj qu'n.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help