1Tzaj yolin Qman tuk'il Moisés ex Aarón ex xi tma'n kye:
2Qe aj Israel at tu'n kykub' ten najchaqyin ti'jele ja xb'alun te mojb'ab'l tib'il, teyle junjun tjaq' tbander ex tuk'ix juntl bander te junjun k'loj tiyjil.
3Qe soldad in che b'et tjaq' bander kye tiyjil Judá, atzun che b'el ten tuj tjawitz q'ij, tuj k'lojin kyten. Aju nejenel kyxol, atzun Naasón aju tky'ajal Aminadab,
4ex tza'nx tajlal otoq jaw, japun jun tajlal te 74,600 xinaq aj Judá.
5Kytxlaj che b'el ten qe soldad te tiyjil Isacar, ex aju nejenel kye, atzun Natanael aju tky'ajal Zuar,
6ex tza'nx tajlal otoq jaw, japun jun tajlal te 54,400 xinaq aj Isacar.
7Ax ikx che b'el ten qe soldad te tiyjil Zabulón kytxlaj, ex aju nejenel kyxol, atzun Eliab aju tky'ajal Helón,
8ex tza'nx tajlal otoq jaw, japun jun tajlal te 57,400 xinaq aj Zabulón.
9Kyja'tzun tten, kb'el ten ox k'loj soldad tuj campament te Judá, tuk'il jun tajlal tu'n tkyaqilx te 186,400 xinaq. Atzun qe che b'el nej kywitz aj Israel.
10Qe soldad in che b'et tjaq' bander te Rubén, atzun che b'el ten tuj tnayaj q'ij. Aju nejenel kyxol, atzun Elisur aju tky'ajal Sedeur,
11ex tza'nx tajlal otoq jaw, japun jun tajlal te 46,500 xinaq aj Rubén.
12Ex kytxlaj che b'el ten qe soldad te tiyjil Simeón, ex aju nejenel kyxol, atzun Selumiel aju tky'ajal Zurisadai,
13ex tza'nx tajlal otoq jaw, japun jun tajlal te 59,300 xinaq aj Simeón.
14Ax ikx che b'el ten qe soldad te tiyjil Gad kytxlaj, ex aju nejenel kyxol, atzun Eliasaf aju tky'ajal Deuel,
15ex tza'nx tajlal otoq jaw, japun jun tajlal te 45,650 xinaq aj Gad.
16Kyja'tzun tten, kb'el ten ox k'loj soldad tuj campament te Rubén, tuk'il jun tajlal tu'n tkyaqilx te 151,450 xinaq. Atzun qe che xel lpe' te tkab'in k'loj.
17Atzun qe aj Leví che xel lpe' kyi'j qaq k'loj aj Israel lu tu'n t-xi kyi'n ja xb'alun te mojb'ab'l tib'il, ex qaq k'lojtl che xel lpe' kyi'j ik tza'nx kyten jatum otoq che kub' ten; txolin kyten ok kyxi b'et ex tjaq' kyex kybander.
18Qe soldad in che b'et tjaq' bander te Efraín, atzun che b'el ten tuj telex q'ij tuj k'lojin kyten. Aju nejenel kyxol, atzun Elisama aju tky'ajal Amiud,
19ex tza'nx tajlal otoq jaw, japun jun tajlal te 40,500 xinaq aj Efraín.
20Ex kytxlaj che b'el ten qe soldad te tiyjil Manasés, ex aju nejenel kyxol, atzun Gamaliel aju tky'ajal Pedasur,
21ex tza'nx tajlal otoq jaw, japun jun tajlal te 32,200 xinaq aj Manasés.
22Ax ikx che b'el ten qe soldad te tiyjil Benjamín kytxlaj, ex aju nejenel kyxol, atzun Abidán aju tky'ajal Gedeoni,
23ex tza'nx tajlal otoq jaw, japun jun tajlal te 35,400 xinaq aj Benjamín.
24Kyja'tzun tten, kb'el ten ox k'loj soldad tuj campament te Efraín, tuk'il jun tajlal tu'n tkyaqilx te 108,100 xinaq. Atzun qe che xel lpe' te toxin k'loj.
25Qe soldad in che b'et tjaq' bander te Dan, atzun che b'el ten tuj tb'anq'ab' q'ij tuj k'lojin kyten. Aju nejenel kyxol, atzun Ahiezer aju tky'ajal Amisadai,
26ex tza'nx tajlal otoq jaw, japun jun tajlal te 62,700 xinaq aj Dan.
27Ex kytxlaj che b'el ten qe soldad te tiyjil Aser. Aju nejenel kyxol, Pagiel aju tky'ajal Ocrán,
28ex tza'nx tajlal otoq jaw, japun jun tajlal te 41,500 xinaq aj Dan.
29Ax ikx che b'el ten qe soldad te tiyjil Neftalí kytxlaj. Aju nejenel kyxol, atzun Ahira aju tky'ajal Enán,
30ex tza'nx tajlal otoq jaw, japun jun tajlal te 53,400 xinaq aj Neftalí.
31Kyja'tzun tten, kb'el ten ox k'loj soldad tuj campament te Dan, tuk'il jun tajlal tu'n tkyaqilx te 157,600 xinaq. Atzun qe che xel lpe' te mankb'il tjaq' kybander.
32Aju tajlal jaw kyi'j aj Israel tuj k'lojin kyten ik tza'nx kyiyjil, o japun jun tajlal tu'n tkyaqilx te 603,550 xinaq.
33Atzun qe aj Leví minti' e ok te tajlal tej tjaw kyajlal aj Israel, ik tza'nx otoq tzaj tma'n Qman te Moisés.
34Atzun kye aj Israel o kyb'incha tkyaqil ik tza'nx otoq tzaj tma'n Qman te Moisés: Teyle junjun kub' ten tjaq' tex tbander, tuj k'lojin e b'et kyuk'il qe kyex kyiyjil.
Who We AreWhat We EelieveWhat We Do
2025 by iamachristian.org,Inc All rights reserved.