1Q'uql Dios tuj tq'uqb'il kyxol qe dios kyb'uyin kyib' twitz tu'n kyok tuj xjel tu'n, chi kyja':
2¿Jtoj b'an t-xi kykoline tu'n mi'n kyb'inchanteye xtis mya tuj tumel, ex jtoj txi kykoline tu'n kykoline kyi'j qe xjal mya b'a'n?
3Kyb'inchanxe kyi'j qe xjal minti' kyipun ex kyi'j qe k'wa'l minti' kyman ex kytxu'. Kyb'inchanxe kyi'j qe meb'a ex kyi'j qeju minti' at kye.
4Kyklome qeju minti' kyipun ex qe meb'a, ex kyklome qe kywitz qe xjal mya b'a'n.
5Atzun kyeye minti' b'a'n kyu'ne ex minti' nno'kx tuj kywi'ye; in che b'ete tuj qlolj. Tuj tkyaqil twitz tx'otx' minti'tl in xi kyb'incha'ne kyi'j xjal tuj tumel.
6Xi nma'ne kyja': Aqeye dios qeye ex kykyaqile tk'wa'l Dios ma'xix toklen, nchiye.
7Maske ikju, pero che kymele ik tza'nx kykyaqil xjal, che najele ik tza'n in che naj noq alkyexchaq nejenel, chi Dios.
8Nman Dios we'ktza ex q'onka kycastiw qe xjal tuj tkyaqil twitz tx'otx', porke aya kyajwil kykyaqil nasyon.
Who We AreWhat We EelieveWhat We Do
2025 by iamachristian.org,Inc All rights reserved.
