1Aqeye aj Israel kyb'intze: Ma pon or tu'n kyik'xe tuj nima Jordán, tu'n tkub' kyi'j txqantl nasyon kyu'ne, ex tu'n kyoke tajwil kytx'otx'. Qe nasyon lu mas nim kyb'aj kywitze ex mas nim kyipumal ik tza'n kyeye; matij qe tnam at ex ma' kywa'l muro tok kyi'jele.
2Qe xjal najl kyuj qe tnam lu, nim kyipun, ma' kywa'l ex tiyjil Anac qe. B'i'ntl kyu'ne aju kyyol xjal kyi'j: ¿Alkye jaku xkye' kyi'j qe tk'wa'l Anac? Che chi.
3Tz'elx kynik'e ti'j, ate Qman Dios kb'el nej kywitze ik tza'n jun q'aq' in b'aj tz'e'y tkyaqil tu'n; qe nasyon lu che najel tu'n ex kb'el kyi'j tu'n, tu'ntzun kyex kylajo'ne ex tu'n kynaj kyu'ne jurat naj, ik tza'nx o tma Qman kyeye.
4Oktzun kyex tlajo'n Qman Dios qe nasyon lu kywitze, mi'n kymaye tuj kyanmiye kyja': Noq tu'nju tz'aqlxix qo' ma qo ok tajwil tx'otx' lu tu'n Qman, noqax che chiye, porke mya ik ttenju. Che elex tlajo'n Qman qe xjal lu kywitze porke jumajx aj il qe.
5Mya tu'nju b'a'n kyb'inchb'ene ex mya tu'nju tz'aqlxix qeye twitz Qman che okele tajwil kytx'otx' qe xjal lu; che elex tlajo'n Qman qe xjal lu kywitze porke jumajx aj il qe, ex tu'ntzun tjapun aju yol o b'ant ti'j tu'n kyuk'il qe kyxe'chele Abraham, Isaac ex Jacob.
6Tz'elx kynik'e ti'j, mya tu'nju mejor xjal qeye ktzajel q'o'n aju tb'anil tx'otx' te kyetzb'ile tu'n Qman Dios, ex aqeye jun tnam mib'an che nimane.
Minti' xi kyniman aj Israel Qman Dios tej kyten t-xe witz Horeb Éxodo 31.18—32.357Mi'n tzik' tna'l kyu'ne tza'n tten o tzaj tq'oj Qman Dios kyi'je tu'n tlaj kyb'inchb'ene mya b'a'n o b'ant tuj tzqij tx'otx'. Atxix tej kyetze tuj Egipto ex tejxi kyule tzalu, minti' o txi kynimane tyol Qman.
8Tej kytene t-xe witz Horeb, tzaj tq'oj Qman kyi'je tu'n tlaj kyb'inchb'ene mya b'a'n. Tu'ntzun jlu otoq b'ant tten tu'n kynaje tu'n.
9Tej njaxe twi witz k'molte qe tz'lom ab'j jatum tz'ib'an aju yol o b'ant ti'j tu'n Qman kyuk'ile, atzun in tene 40 qi'j ex 40 qonik'an, minti' in wa'ne ex minti' in k'ane.
10Tzajtzun tq'o'n Qman kab'e tz'lom ab'j weye, tz'ib'amaj kywitz tu'nx Dios, ex kywitztzun qe jlu tz'ib'amaj qe yol tzaj tma'n Dios kyeye tuj tmij tqan q'aq' twi witz, tuj q'ij tej tkub' kychmon kyib'e.
11Tb'ajlenxi 40 q'ij ex 40 qonik'an, tzaj tq'o'n Qman qe kab'e tz'lom ab'j weye, jatum tz'ib'an aju yol o b'ant ti'j tu'n kyuk'ile,
12ex tzaj tma'n Qman weye kyja': We'ktza, tku'x naja t-xe witz, porke qe t-xjalila, aqeju e je'tz ti'na tuj Egipto, ma che b'inchan mya b'a'n. Jurat ma tz'el kypa'n kyib' ti'j b'e xi nma'ne kye. Ma b'aj kyb'incha'n jun kydios ti'j q'an pwaq otoq kub' ulj tuj q'aq'.
13Tzaj tma'ntl Qman weye kyja': Matzun tz'el nnik'e kyi'j qe xjal lu, ax tok mib'an che b'in.
14Mi'n kolina kyi'j tu'n kynaj wu'ne ex tu'n mi'n ttzaj na'ntl kyb'i twitz tx'otx'. Ti'ja k'elel jlet jun nasyon wu'ne mas nim tipun ex mas nim kyajlal kywitz qe jlu, chi Qman weye.
15In julin witz wen tu'n q'aq' tej nku'tze twi', q'i'n kab'e tz'lom ab'j wu'ne jatum tz'ib'an aju yol kyaj b'ant ti'j tu'n Dios kyuk'ile.
16O wile otoq che b'inchane il twitz Qman Dios, otoq kub' kyb'incha'ne jun tilb'ilal tal wakẍ q'an pwaq ttx'otx'il, tu'n tok te kydiose, ex otoq tz'el kypa'n naj kyib'e ti'j b'e otoq tzaj q'ma'n kyeye tu'n Qman.
17Tejtzun twile jlu e kub' nxo'ne qe kab'e tz'lom ab'j, aqeju tzyu'ntoq wu'ne, ex e kub' nb'uchine qe kywitze.
18In kub'tzun ẍmeje'ye juntl maj twitz Qman, ik tza'nx otoq b'ant wu'ne nej, ex in tene 40 q'ij ex 40 qonik'an minti' in wa'ne ex minti' in k'ane, tu'n tlaj tkyaqilju mya b'a'n otoq kyb'inchaye twitz Qman, ex otoq tzaj tq'oj Qman kyi'je.
19Tzaj t-xob'il wi'je tu'n tlaj tq'oj Qman ex ttx'u'jil otoq tzaj kyi'je; otoq kub' t-ximan tu'n kynaje tu'n, ex in kub'sane twitz kyi'je, ex in tzaj b'ine tu'n juntl maj.
20Ax ikx otoq tzaj nim tq'oj Qman ti'j Aarón ex o tajb'e tu'n tnaj tu'n, ex in kub'sane ti'j tu'n mi'n tnaj.
21Atzunju tilb'ilal tal wakẍ otoq kub' kyb'incha'ne te kydiose, aju otoq che b'incha'ne il tu'n, tzaj wi'ne ex okx npatune tuj q'aq', b'aj npaẍu'ne ex b'aj nche'ne wen tejxi tok te quq. Xi nchitune quq lu tuj nima in ku'tz twi witz.
22Ax ikx kyuj lugar Tabera, Masah, ex Kibrot-hataava, tzaj tq'oj Qman kyu'ne tu'n tlaj kyb'inchb'ene mya b'a'n.
23Ex tej ttzaj tma'n Qman kyeye tuj Cades-barnea tu'n kyjaxe etzalte tx'otx' otoq tzaj ttziyan tu'n ttzaj tq'o'n kyeye, ex mi'n che chiye, minti' qe' kyk'u'je ti'j, ex minti' xi kynimane tyol.
24Atxix tej twile kywitze, el nnik'e kyi'je, mib'an che nimane te Qman.
25Tu'nju otoq kub' t-ximan Qman tu'n kynaje tu'n, kyja'tzun in kub' mutze'ye twitz 40 q'ij ex 40 qonik'an,
26in kub'sane twitz ex xi nma'ne te kyja': Nman, mi'n che kub' tnajsa'na qe xjal lu, aqeju etzan tu'na ex o che kolpet tu'na tu'n tipumala, ex tu'nx tipumala o che etz ti'na tuj Egipto.
27Na'ntza qe tmajena Abraham, Isaac ex Jacob. Mi'n tz'ok tq'o'n twitza ti'j kychkyinib'il aj Israel, mi ti'j kyb'inchb'en mya b'a'n ex mi ti'j kyil;
28tu'ntzun mi'n kymante xjal kyja' tuj tx'otx' jatum o qo etz ti'na: Minti' o xkye' Kydios tu'n kyokx tuj tx'otx' xi ttziyan kye, ex o che el tik'un; kyja'tzun e je'x ti'n tzalu tu'n kykub' tb'yo'n tuj tzqij tx'otx', jaku che chi aj Egipto.
29Ex teya qe, ex etzan qe tu'na; porke aya etz q'inte kye tuj Egipto tu'n tipumala nimxix, nchiye xi nma'ne.
Who We AreWhat We EelieveWhat We Do
2025 by iamachristian.org,Inc All rights reserved.
