1Qa at jun ma tz'etz q'inte jun vac ex qa jun tor kyxol qe twakẍ tu'n ttzaj tq'o'n weye te jun chojb'il te mojb'ab'l tib'il wuk'ile, aju alumaj ktzajel tq'o'n il ti'j minti' tpaltil.
2Aju xjal kxel q'onte oyaj kb'el tq'o'n tq'ab' tib'aj twi alumaj, ex k'okex tqesin tjaq' tqul twitz ja xb'alun te mojb'ab'l tib'il. Atzun kye pal, aqeju tiyjil Aarón, k'okel kytx'ito'n chik' ti'jele tk'u'j altar.
3Ex aju sebo toksa'n kyi'j qe tuj tk'u'j alumaj ktzajel tq'o'n xjal te jun chojb'il te mojb'ab'l tib'il wuk'ile, te jun oyaj patun in kub',
4kyuk'ix qe tchenaq' tuk'ix sebo toksa'n kyi'j, tuk'ix sebo toksa'n ttzal ti'j, tuk'ix sebo tok ti'j ttx'otx'; a jlu k'elel ti'n junx kyuk'il qe tchenaq'.
5Atzun kye pal aqeju tiyjil Aarón, kb'el kypatun tkyaqil jlu tib'aj altar, tib'aj chojb'il tkub' tib'aj si' in k'ant tu'n q'aq' te jun oyaj patun in kub', at tk'ok'jal in chin tzalaje ti'j.
6Qatzun ẍne'l toyaj xjal ktzajel tq'o'n te jun chojb'il te mojb'ab'l tib'il wuk'ile, b'a'n tu'n ttzaj tq'o'n jun tman ẍne'l ex qa jun ttxu', ex il ti'j minti' tpaltil.
7Qatzun tal ẍne'l toyaj ktzajel tq'o'n ok tpon ti'n nwitze,
8kb'el tq'o'n tq'ab' tib'aj twi' tal ẍne'l, ex te tib'ajxi k'okex tqesin tjaq' tqul twitz ja xb'alun te mojb'ab'l tib'il. Atzun kye pal aqeju tiyjil Aarón, k'okel kytx'ito'n chik' ti'jele tk'u'j altar.
9Ax ikx kxel tq'o'n xjal t-sebyil alumaj, tuk'ix tje' ktzajelx tqesin max t-xe tq'uqb'il, tuk'ix sebo toksa'n kyi'j qe tuj tk'u'j, te jun chojb'il te mojb'ab'l tib'il wuk'ile, ex te jun oyaj patun in kub',
10kyuk'ix qe tchenaq' tuk'ix sebo toksa'n kyi'j, tuk'ix sebo toksa'n ttzal ti'j, tuk'ix sebo tok ti'j ttx'otx'; a jlu k'elel ti'n junx kyuk'il qe tchenaq'.
11Atzun kye pal kb'el kypatun tkyaqil jlu tib'aj altar, ik tza'n wab'j patun in kub' te jun oyaj te nimb'il weye.
12Qatzun chip toyaj xjal ktzajel tq'o'n, ok tpon ti'n nwitze
13kb'el tq'o'n tq'ab' tib'aj twi chip, ex te tib'ajxi k'okex tqesin tjaq' tqul twitz ja xb'alun te mojb'ab'l tib'il; atzun kye pal aqeju tiyjil Aarón, k'okel kytx'ito'n chik' ti'jele tk'u'j altar.
14Kxel tq'o'n xjal tkyaqil sebo toksa'n kyi'j qe tuj tk'u'j chip te jun oyaj patun in kub' te nimb'il weye,
15kyuk'ix qe tchenaq' tuk'ix sebo toksa'n kyi'j, tuk'ix sebo tok ttzal ti'j, tuk'ix sebo tok ti'j ttx'otx'; a jlu k'elel ti'n junx kyuk'il qe tchenaq'.
16Atzunte pal kb'el tpatun tkyaqil jlu tib'aj altar, ik tza'n wab'j patun in kub' te jun oyaj at tk'ok'jal in chin tzalaje ti'j. Porke weye tkyaqil kysebyil alumaj, il ti'j tu'n ttzaj q'ot weye.
17Kyjel ten ju ley lu kyuk'ile te jumajx, tu'n tajb'en te kyeye ex kye kyiyjile noq alkyex lugar che tele: Mi'n txi kychyo'ne sebo ex mi chik'.
Who We AreWhat We EelieveWhat We Do
2025 by iamachristian.org,Inc All rights reserved.
