1Aju xjal nno'kx tewan tib' tuk'il Dios tu'n tklet, k'anq'il tjaq' t-xmu'jil Dios aju Tajaw Tkyaqil ex at tipumal tu'n tb'ant tkyaqil tu'n.
2Kxel nma'ne te Qman kyja': Aya jun ja kyuw b'inchb'en te jatum tu'n tokx nklon wib'e, aya Ndiose q'uql nk'u'je ti'ja.
3O'kx a Dios jaku klonte teya te k'ob'il tkub'sa'n tuj ewaj ex jaku kleta tu'n te tx'u'j yab'il,
4ex kyjel tena tjaq' t-xik' tu'n tqe' tk'u'ja. Aju tyol axix tok k'ajb'el te kolb'il teya ik tza'n jun maqb'il.
5Mlay xob'a twitz ju xob'tzal in b'et qonik'an, ex mlay xob'a kywitz qe plech in che tzaj xo'n ti'ja q'ijl.
6Mlay xob'a te tx'u'j yab'il in b'et tuj qlolj, ex mlay xob'a te k'ixb'isab'l in che naj xjal tu'n te q'ijl.
7Che b'el b'yo'n jun mil xjal ate' tuj tnayaja ex laj mil tuj tb'anq'ab'a, atzun teya minti' kb'ajel ti'ja.
8Ok tila'ya jlu tu'n twitza ex ok tila'ya ok tkub' kycastiw qe b'inchal mya b'a'n.
9Tu'nju ma tz'ok Qman te tkolb'il tib'a ex ma tz'ok tklon tib'a ti'j Dios aju ma'xix toklen,
10mlay tk'ulb'aya jun mya b'a'n ex mlay kanun tx'u'j yab'il tuj tjaya.
11Che tzajel t-sama'n qe anjel tu'n tok kwentina kyu'n noq jatum ma txi'ya.
12Kxel q'i'na kyu'n tu'n kyq'ab' tu'n mi'n tok takpaj tqana ti'j ab'j.
13Che b'el twab'ana qe b'alun kyuk'ix qe q'anti', ikx qe b'alun q'i'n kyipun ex qe lob'aj.
14Chi Dios in tma'n: Ok kletel ju okslal wu'ne, ex kjawix nq'o'ne tuj lugar segurxix, tu'nju ma tz'el tnik' wi'je ex at tk'ujlalil wi'je.
15Ok tkub'san nwitze ktzajel nq'o'ne te aju in tqanin; ex aqine chin tel tuk'il. Ok kletel wu'ne ok ttzaj joyb'il ti'j ex kjawil nnimsa'ne.
16Nim ktzalajel tu'nju nim tuj tanq'ib'l, ex ktzalajel ti'j ju kolb'ilte wu'ne.
Who We AreWhat We EelieveWhat We Do
2025 by iamachristian.org,Inc All rights reserved.
