1Q'aq'antz tk'u'ja wi'je Nman Dios ex lepcho'k qe xjal wi'je tu'n nkub' kyb'yo'n. Ex tkyaqil q'ij in che ok tzoqpaj wi'je ex in chin b'aj yajla'ne kyu'n.
2Tkyaqil q'ij lepcho'k qe aj q'oj wi'je tu'n nkub' kyb'yo'n; nimku kyb'aj qeju in che ok tzoqpaj wi'je tuk'il kynimb'il kyib'.
3Qa ma tzaj nxob'ile, nno'k qe' nk'u'je ti'ja.
4Q'uql nk'u'je ti'j Dios ex in jaw nnimsa'ne tyol; q'uql nk'u'je ti'j Dios ex minti' in chin xob'e. ¿Ti jaku tb'incha xjal wi'je?
5Tkyaqil q'ij in chin yajlanjtze kyu'n tu'n yol; o'kx in che ximan ti'j tu'n kyb'inchante mya b'a'n wi'je.
6Noq jachaq in xi kyewan kyib' tu'n ntzyete kyu'n, in che ke'yin wi'je jatum in chin b'ete, in che ayon wi'je tu'n nkub' kyb'yo'n.
7Q'on kub'a kycastiw ti'j kyb'inchb'en mya b'a'n. Nman Dios, xitun kub'a qe tnam tu'n tq'oja.
8Q'i'n tajlal tu'na jte' majxi chin el oqe; in jaw ti'na teyle junjun txut ta'l nwitze. ¿Myapetzun tz'ib'an qe jlu tu'na tuj u'j at tuk'ila?
9Che elel oq qe aj q'oj wi'je ok t-xi nqanine onb'il te Dios. B'a'n wu'ne at Dios wuk'ile te onil weye.
10Q'uql nk'u'je ti'j Dios ex in jaw nnimsa'ne tyol; q'uql nk'u'je ti'j Qman ex in jaw nnimsa'ne tyol.
11Q'uql nk'u'je ti'j Dios ex minti' in chin xob'e. ¿Ti jaku tb'incha xjal wi'je?
12Aju yol xi ntziyane teya Nman Dios, kjapunel wu'ne tuk'il aq'b'il chjonte teya,
13tu'nju ma chin klete tu'na te kamik, ma chin klete tu'na tu'n mi'n nkub' tz'aqe, tu'ntzun nb'ete twitza tuj spik'un kyxol qe xjal itz'.
Who We AreWhat We EelieveWhat We Do
2025 by iamachristian.org,Inc All rights reserved.
