Números 29 - Mam Huehuetenango New Ortography

Aju ninq'ij tu'n kyq'ajt chun Levítico 23.23-25

1Tuj tnejel q'ij te twuqin xjaw k'okel jun b'uyj tib'il xjan kyu'ne. Mi jun b'a'n tu'n taq'nan tuj q'ij lu. Atzun q'ij tu'n kyok q'ajtzet qe chun.

2Tujx q'ij lu kb'el kypatune jun tal tor, jun tman ẍne'l ex wuq tal tman ẍne'l ma te jun ab'q'i qe, te jun oyaj at tk'ok'jal in chin tzalaje ti'j, ex kykyaqil qe jlu minti' kypaltil.

3Kyi'j qe chojb'il lu ktzajel kyq'o'ne arin xyoq'imaj tuk'il aseyt: Ti'j tal tor qaq libr, ti'j tman ẍne'l kyaje libr,

4ex ti'j junjun tal tman ẍne'l kab'e libr.

5Ax ikx ktzajel kyq'o'ne jun tman chip te chojb'il kyile,

6ex part qe oyaj in che kub' patit teyle junjun xjaw, ex part qe chojb'il in che kub' patit tkyaqil q'ij, tuk'ix oyaj ti'j twitz awal ex ta'l twitz uva in xi q'ot kyi'j ik tza'nx in tma'n ley. Tkyaqil jlu jun oyaj te weye patun in kub' at tk'ok'jal in chin tzalaje ti'j.

Qe oyaj tu'n tnajset kyil xjal Levítico 23.26-32

7Tuj laj tajlal tex twuqin xjaw ax ikx k'okel jun b'uyj tib'il xjan kyu'ne. Tuj q'ij lu kb'el kyyo'ne we'yaj, ex mi jun b'a'n tu'n taq'nan.

8Kb'el kypatune jun tal tor, jun tman ẍne'l, ex wuq tal tman ẍne'l ma te jun ab'q'i qe, te jun oyaj at tk'ok'jal in chin tzalaje ti'j, ex kykyaqil qe jlu minti' kypaltil.

9Kyi'j qe chojb'il lu ktzajel kyq'o'ne arin xyoq'imaj tuk'il aseyt: Ti'j tal tor qaq libr, ti'j tman ẍne'l kyaje libr,

10ex ti'j junjun tal tman ẍne'l kab'e libr.

11Ax ikx ktzajel kyq'o'ne jun tman chip te chojb'il kyile, ex part qe chojb'il ktzajel kyq'o'ne tu'n tnajset kyile tuj q'ij te najsb'il il, ex part qe chojb'il patun in che kub' tkyaqil q'ij tuk'ix oyaj ti'j twitz awal ex ta'l twitz uva in xi q'ot kyi'j.

Qe oyaj tuj ninq'ij ok kyb'ant tal ja t-xaq tze'yin kywi' Levítico 23.33-44

12Tuj olaj tajlal twuqin xjaw k'okel jun b'uyj tib'il xjan kyu'ne. Mi jun b'a'n tu'n taq'nan tuj q'ij lu. Wuq q'ij kb'el kyik'sa'ne ninq'ij te nimb'il weye.

13Tuj tnejel q'ij ktzajel kyq'o'ne weye oxlaj tal tor, kab'e tman ẍne'l, ex kyajlaj tal tman ẍne'l ma te jun ab'q'i qe, te chojb'il patun in kub' at tk'ok'jal in chin tzalaje ti'j. Kykyaqil qe jlu minti' kypaltil.

14Kyi'j qe chojb'il lu ktzajel kyq'o'ne arin xyoq'imaj tuk'il aseyt: Ti'j junjun tal tor qaq libr, ti'j junjun tman ẍne'l kyaje libr,

15ex ti'j junjun tal tman ẍne'l kab'e libr.

16Ax ikx ktzajel kyq'o'ne jun tman chip te chojb'il kyile, ex part qe chojb'il patun in che kub' tkyaqil q'ij tuk'ix oyaj ti'j twitz awal ex ta'l twitz uva in xi q'ot kyi'j.

17Tuj tkab'in q'ij ktzajel kyq'o'ne kab'laj tal tor, kab'e tman ẍne'l, ex kyajlaj tal tman ẍne'l ma te jun ab'q'i qe, ex kykyaqil qe jlu minti' kypaltil.

18Ax ikx ktzajel kyq'o'ne qe oyaj ti'j twitz awal ex ta'l twitz uva kyi'j, ik tza'nx kyajlal tal tor, qe tman ẍne'l, ex qe tal tman ẍne'l, ik tza'nx in tma'n ley.

19Ax ikx ktzajel kyq'o'ne jun tman chip te chojb'il kyile, ex part qe chojb'il patun in che kub' tkyaqil q'ij tuk'ix oyaj ti'j twitz awal ex ta'l twitz uva in xi q'ot kyi'j.

20Tuj toxin q'ij ktzajel kyq'one junlaj tal tor, kab'e tman ẍne'l, ex kyajlaj tal tman ẍne'l ma te jun ab'q'i qe, ex kykyaqil qe jlu minti' kypaltil.

21Ax ikx ktzajel kyq'o'ne qe oyaj ti'j twitz awal ex ta'l twitz uva kyi'j, ik tza'nx kyajlal tal tor, qe tman ẍne'l, ex qe tal tman ẍne'l, ik tza'nx in tma'n ley.

22Ax ikx ktzajel kyq'o'ne jun tman chip te chojb'il kyile, ex part qe chojb'il patun in che kub' tkyaqil q'ij tuk'ix oyaj ti'j twitz awal ex ta'l twitz uva in xi q'ot kyi'j.

23Tuj tkyajin q'ij ktzajel kyq'o'ne laj tal tor, kab'e tman ẍne'l, ex kyajlaj tal tman ẍne'l ma te jun ab'q'i qe, ex kykyaqil qe jlu minti' kypaltil.

24Ax ikx ktzajel kyq'o'ne qe oyaj twitz awal ex ta'l twitz uva kyi'j, ik tza'nx kyajlal tal tor, qe tman ẍne'l, ex qe tal tman ẍne'l, ik tza'n in tma'n ley.

25Ax ikx ktzajel kyq'o'ne jun tman chip te chojb'il kyile, ex part qe chojb'il patun in che kub' tkyaqil q'ij tuk'ix oyaj ti'j twitz awal ex ta'l twitz uva in xi q'ot kyi'j.

26Tuj tjwe'yin q'ij ktzajel kyq'o'ne b'elaj tal tor, kab'e tman ẍne'l, ex kyajlaj tal tman ẍne'l ma te jun ab'q'i qe, ex kykyaqil qe jlu minti' kypaltil.

27Ax ikx ktzajel kyq'o'ne qe oyaj ti'j twitz awal ex ta'l twitz uva kyi'j, ik tza'nx kyajlal tal tor, qe tman ẍne'l, ex qe tal tman ẍne'l, ik tza'nx in tma'n ley.

28Ax ikx ktzajel kyq'o'ne jun tman chip te chojb'il kyile, ex part qe chojb'il patun in che kub' tkyaqil q'ij tuk'ix oyaj ti'j twitz awal ex ta'l twitz uva in xi q'ot kyi'j.

29Tuj tqaqin q'ij ktzajel kyq'o'ne wajxaq tal tor, kab'e tman ẍne'l, ex kyajlaj tal tman ẍne'l ma te jun ab'q'i qe, ex kykyaqil qe jlu minti' kypaltil.

30Ax ikx ktzajel kyq'o'ne qe oyaj ti'j twitz awal ex ta'l twitz uva kyi'j, ik tza'nx kyajlal tal tor, qe tman ẍne'l, ex qe tal tman ẍne'l, ik tza'nx in tma'n ley.

31Ax ikx ktzajel kyq'o'ne jun tman chip te chojb'il kyile, ex part qe chojb'il patun in che kub' tkyaqil q'ij tuk'ix oyaj ti'j twitz awal ex ta'l twitz uva in xi q'ot kyi'j.

32Tuj twuqin q'ij ktzajel kyq'o'ne wuq tal tor, kab'e tman ẍne'l, ex kyajlaj tal tman ẍne'l ma te jun ab'q'i qe, ex kykyaqil qe jlu minti' kypaltil.

33Ax ikx ktzajel kyq'o'ne qe oyaj ti'j twitz awal ex ta'l twitz uva kyi'j, ik tza'nx kyajlal tal tor, qe tman ẍne'l, ex qe tal tman ẍne'l, ik tza'nx in tma'n ley.

34Ax ikx ktzajel kyq'o'ne jun tman chip te chojb'il kyile, ex part qe chojb'il patun in che kub' tkyaqil q'ij tuk'ix oyaj ti'j twitz awal ex ta'l twitz uva in xi q'ot kyi'j.

35Tuj twajxaqin q'ij k'okel jun b'uyj tib'il xjan kyu'ne. Mi jun b'a'n taq'nan tuj q'ij lu.

36Ktzajel kyq'o'ne weye jun tal tor, jun tman ẍne'l, ex wuq tal tman ẍne'l ma te jun ab'q'i qe, te jun chojb'il patun in kub' at tk'ok'jal in chin tzalaje ti'j, ex kykyaqil qe jlu minti' kypaltil.

37Ax ikx ktzajel kyq'o'ne qe oyaj ti'j twitz awal ex ta'l twitz uva kyi'j, ik tza'nx kyajlal tal tor, qe tman ẍne'l, ex qe tal tman ẍne'l, ik tza'nx in tma'n ley.

38Ax ikx ktzajel kyq'o'ne jun tman chip te chojb'il kyile, ex part qe chojb'il patun in che kub' tkyaqil q'ij tuk'ix oyaj ti'j twitz awal ex ta'l twitz uva in xi q'ot kyi'j.

39Atzun qe chojb'il lu ktzajel kyq'o'ne weye kyuj qe ninq'ij b'animaj kyi'j, ex part kyoyaje ktzajel kyq'o'ne ok tjapun jun kyyole otoq tzaj kytziyane weye, ex qe kyoyaje tu'n kyexe kygan ktzajel kyq'o'ne; qa jun chojb'il patun in kub', qa jun oyaj ti'j twitz awal, qa jun oyaj ti'j ta'l twitz uva, ex qa jun oyaj te mojb'ab'l tib'il, chi Qman te Moisés.

40Atzunte Moisés xi tma'n kye aj Israel tkyaqil aju otoq tma Qman te.