1Ktzajel nna'ntle kyeye erman aju tqanil kolb'il xi npakb'a'ne kyeye ex o kyk'ame ex oksla'nx kyu'ne.
2Tu'ntzunju tqanil lu ma che klete, qa oksla'nx kyu'ne aju yol xi npakb'a'ne kyeye, ex qa mya tu'n kab'e kyk'u'je xi kyoksla'ne.
3Porke tnejelxix xi nq'o'ne xnaq'tzb'il kyeye, axju o nk'ame. Xi nma'ne: Ate Crist o kyim tu'n tchjet qil, ik tza'n in tma'n tuj Tu'jil;
4ex ku'x maqu'n, ex jatz anq'in tuj toxin q'ij, ik tza'n in tma'n tuj Tu'jil;
5ex kub' tyek'un tib' twitz Pedro, ex te tib'ajxi kub' tyek'un tib' kywitz qeju kab'laj apostol.
6Ex te tib'ajxi kub' tyek'un tib' kywitz mas te jwe' syent erman ate' junx; kyxol qe jlu nimku itz'x qe, ex junjuntl o che kyim.
7Ex te tib'ajxi kub' tyek'un tib' twitz Jacobo; ex te tib'ajxi jlu kub' tyek'un tib' kywitz kykyaqil apostol.
8Te mankb'ilxitzun kub' tyek'un tib' nwitze, ik ntene ik tza'n jun k'wa'l in itz'j na'nxtoq tpon tq'ijlalil.
9Porke aqine tal ch'in qine kywitz qe txqantl apostol, mya b'a'n qine tu'n tok q'o'n nb'iye apostol, ex e b'aj nyajla'ne qe okslal etzan qe tu'n Dios.
10Ex noq tu'n t-xtalb'il Dios ma chin oke apostol; ex mya noqx gan ju t-xtalb'il Dios tzaj tq'o'n weye, ex mas ma chin aq'nane kywitz kykyaqil; ex mya wu'nxe ma b'ant, noq o'kx tu'n t-xtalb'il Dios at wuk'ile.
11Kyja'tzun, qa aqine ma chin aq'nane ex qa aqe txqantl apostol, ex atzun jlu in xi qpakb'a'ne, ex atzun jlu ma txi kyoksla'ne.
Che jawitz anq'in qe kyimni12Qatzun in xi qpakb'a'ne qa o jaw anq'in Crist kyxol kyimni, ¿tza'ntzun tten in kyma'n junjun kyxole qa mlayx jatz anq'in jun xjal kyxol kyimni?
13Ex qa mlayx jatz anq'in jun xjal kyxol kyimni, entons minti' o jatz anq'in Crist ikju.
14Ex qa minti' o jatz anq'in Crist, ex noqxlo gan aju in xi qpakb'a'ne, ax ikx noqxlo gan aju kyokslab'le.
15Ex ma qo oke nik'al yol ti'j Dios; porke ma txi qma'ne qa o jatz anq'in Crist tu'n Dios, ex qa ax tok mlayx jaw anq'in jun xjal kyxol kyimni, ex minti'lo o jatz anq'in Crist tu'n Dios.
16Ex qa mlayx che jatz anq'in qe kyimni, ex ikx te Crist minti'lo o jatz anq'in;
17ex qa minti' o jatz anq'in Crist, noqxlo gan aju kyokslab'le; ex axlo ate'ye tuj kyile.
18Ax ikx qeju o che kyim okslal qe ti'j Crist, b'i'xlo ma che naj.
19Qa o'kx at tajb'en qokslab'l ti'j Crist akux itz'x qo' tzalu twitz tx'otx', b'ek'b'ilxix qwitz kywitz kykyaqil xjal.
20Ex ja'lo ax tok o jatz anq'in Crist kyxol kyimni; ate Crist o jatz anq'in nej, tu'ntzun kyjaw anq'in qeju o che kyim ik tza'nx te, ik tten jlu ik tza'n tnejel twitz awal in tyek'un qa tzul txqantl twitz.
21Porke noq tu'n jun xjal tzaj kamik, ax ikxtzun noq tu'n jun xjal ok che jawil anq'in xjal kyxol kyimni.
22Porke ik tza'n in che kyim kykyaqil xjal noq tu'nju tiyjil Adán qe, ikxtzun ok che jawil anq'in kykyaqil qeju o che okslan ti'j Crist.
23Ex teyle junjun tu'n tjaw anq'in tuj tq'ijlalil; ate Crist o jatz anq'in nej; ex te yajxi, aqeju otoq che okslan ti'j Crist che jawitz anq'in ok tul juntl maj.
24Tzultzun tq'ijlalil tu'n tjapun b'aj tkyaqil, ok t-xi tq'o'n Crist ju kawb'il te Dios aju Mamb'aj, tkub'lenxi kyi'j kykyaqil qeju in che kawin, qeju at kyoklen ex qeju at kyipumal.
25Ex il ti'j kukx tu'n tkawin Crist okxi kykub' b'aj kykyaqil qe aj q'oj ti'j tjaq' tkawb'il.
26Aju mankb'il aj q'oj tu'n tkub' xitj, ate kamik.
27Ex tkyaqil ma kub' tq'o'n Dios tjaq' tkawb'il Crist ik tza'n in tma'n tuj Tu'jil. Ex tej tmante qa tkyaqil ma kub' q'o'n tjaq' tkawb'il Crist, clarxix ta' mya ajunte Dios tkub' tjaq' tkawb'il Crist, noq o'kx ate Dios kub' q'onte tkyaqil tjaq' tkawb'il Crist.
28Okxitzun kykub' q'o'n tkyaqil tjaq' tkawb'il Crist, ax ikxtzunte Crist aju Tk'wa'l Dios kb'el tq'on tib' tjaq' tkawb'il Dios, tu'nju ate Dios kub' q'onte tkyaqil tjaq' tkawb'il Crist. Kyja'tzun tu'n tten toklen Dios tib'aj tkyaqil.
29Noqwit mya ik tten, ¿tiqu'ntzun in che b'yan junjun kyxole te kyxel qeju o che kyim? Qa minti' tumel tu'n kyjaw anq'in qe kyimni, ¿tiqu'ntzun in che b'yan junjun te kyxel?
30¿Ex tiqu'n nne'lje' qi'je tkyaqil q'ij?
31Ax tok erman, nne'lje' wi'je tkyaqil q'ij tu'n nkyime; kxel nma'ne jlu kyeye tu'nju in chin tzalaje kyi'je noq tu'nju okslal qeye ti'j Qajaw Jesucrist.
32Qa o chin q'ojine kyuk'il nmaq txkup tuj tnam Efeso ik tza'n in kyb'incha'n xjal, ¿ti tajb'en jlu weye? Qa mlayx che jatz anq'in kyimni, mas b'a'n qo wa'n ex qo k'an, porke nchi'j qo kyim.
33Mi'n che el tzpete ti'j: Qa ma txi kyuk'in kyib'e kyuk'il xjal mya b'a'n, ok ktzakjel kynab'le.
34Tzulx kynab'le tuj tumelxix, ex mi'n kyb'inchaye il; tu'nju at junjun kyxole minti' ojtzqi'n Dios kyu'n. In xi nma'ne jlu tu'n ttzaj kych'ixwiye.
Tza'n tten che jawitz anq'in qe kyimni35Ex atlo junjun ktzajel tma'n: ¿Tza'nlo tten tu'n kyjaw anq'in qe kyimni? ¿Alkye kyximlal ok kyul?
36Minti' tnab'la, baqa minti' b'a'n tu'na, aju iyaj in ku'x tawa'na, mlay tz'itz'j qa mi xkyim nej.
37Aju iyaj kb'elex tawa'na, ok tja'wil itz'j mya ikx tten ik tza'n ok tku'x tawa'na, noq o'kx ju twitz iyaj kb'elex tawa'na, qa twitz triw ex qa twitz junxitl iyaj;
38ex teyle junjun at tqan tu'n Dios ik tza'nx tajb'il, ex teyle junjun iyaj junxitl tqan.
39Mya junx ta' kychib'jal kykyaqil; part kychib'jal xjal, part kychib'jal jil, part kychib'jal kyiẍ, ex part kychib'jal chyu'j.
40Part che ke'yin qeju ate' tuj kya'j, ex part che ke'yin qeju ate' twitz tx'otx'; part kyspik'umal qeju ate' tuj kya'j, ex part kyspik'umal qeju ate' twitz tx'otx'.
41Part t-spik'umal q'ij, ex part t-spik'umal xjaw, ex part kyspik'umal qe che'w, tu'nju at junjun che'w mas in che qoptz'aj, ex at junjuntl minti'xix in che qoptz'aj.
42Ikxtzun ttenju ok kyjatz anq'in qe kyimni. Ok tku'x maqet qximlal at ttzuwal, oktzun tjatz anq'in minti' ttzuwal.
43Oktzun tku'x maqet b'i'x in tzakj tilb'ilal, oktzun tjatz anq'in puro tb'anil; kb'elex maqet minti' tipun, oktzun tjatz anq'in at tipun.
44Aju qximlal kb'elex maqet te twitz tx'otx'; oktzun qjatz anq'in, aju qximlal te tuj kya'j. Ik tza'n at qximlal te twitz tx'otx', ax ikx at qximlal te tuj kya'j.
45Porke iktzun in tma'n tuj Tu'jil: Aju tnejel xjal Adán ok te xjal itz', chi ju tz'ib'an, ex aju mankb'il Adán itz' ex q'ol chwinqlal.
46Aju qximlal b'ant nej te twitz tx'otx', mya te tuj kya'j; te tib'ajxi in tzaj q'o'n aju qximlal te tuj kya'j.
47Aju tnejel xjal te twitz tx'otx', ax tx'otx' te; aju tkab'in xjal te tuj kya'j,
48Aqeju tx'otx' kyximlal ik kyten ik tza'n Adán tx'otx' t-ximlal; ex aqeju che tel tuj kya'j ik che okel ik tza'n Qajaw aju at tuj kya'j.
49Ex ik tza'n ax tilb'ilal Adán q'i'n qu'n aju at twitz tx'otx', ax ikxtzun k'elel qi'n tilb'ilal Crist aju at tuj kya'j.
50Ex kxel nma'ne jlu kyeye erman, aju qximlal at ja'lo mlay b'ant tu'n tokx tuj kya'j tuj tkawb'il Dios, ex aju qximlal kyja' tb'aj minti' toklen ti'j ju qximlal mlay b'aj.
51Lu kxel nma'ne kyeye jun yol minti'toq b'i'n kyu'n xjal: Mya qkyaqil qo kymel, pero qkyaqil kch'expetel qximlal.
52Te jurat tu'n qch'expet ik tza'n in mutz'un tb'aq' qwitz; atzun qo ch'expetel ok tq'ajt mankb'il chun. Porke k'okel q'ajtza'n chun, ex che jawil anq'in qe kyimni, mlay che kyimtl, atzun qe kch'expetel qximlal.
53Aju qximlal at ja'lo knajel, ex ilxix ti'j tu'n tok te ak'aj tu'ntzun mi'n tnaj; ex aju qximlal at ja'lo kymel, ex ilxix ti'j tu'n tok te ak'aj tu'ntzun mi'n tkyim.
54Aju qximlal at ja'lo kyja' tnaj ex kyja' tkyim; ex ok tok te ak'aj tu'n mi'n tnaj ex tu'n mi'n tkyim, maxitzun kjapunel aju yol in tma'n tuj Tu'jil: B'i'x knajel kamik te jumajx porke ma kub' ti'j.
55Aya kamik, ¿jatumtzun ma pon tipumala tu'n qk'ixb'isanjtze tu'na? Aya kamik, ¿jatum ta' tipumala tu'n tkub' qi'je tu'na? Minti'tl tipumala ja'lo, chi tuj Tu'jil.
56Porke ate il, atzun in q'onte tipumal kamik tu'n qk'ixb'isanjtz tu'n, ex aju ojtxi ley, atzun in q'onte tipumal il.
57Ex qq'onx chjonte te Dios tu'nju ma tzaj tq'o'n qipumal tu'n tkub' ti'j qu'n noq tu'n Qajaw Jesucrist.
58Kyja'tzun erman aqeye at nk'u'je kyi'je, che we'xixe, mi'n che yukche, kukx che aq'nane tuj taq'un Qajaw; porke b'a'n kyu'ne, aju aq'untl in kyb'incha'ne te Qajaw mya noqx gan.
Who We AreWhat We EelieveWhat We Do
2025 by iamachristian.org,Inc All rights reserved.
