1Xitzun ttzaq'we'n Job ex tma:
2Juntl maj kxel nma'ne aju nb'ise nimxix, ex nimxix ma chin k'ixb'isanjtze tu'n Dios.
3Noqwit b'a'n nb'inteye jatum jaku knet wu'ne ex tza'n tten tu'n npone jatum najl.
4Jakwitlo teku tz'ok nma'ne aju nyole, ex nimku yol at wuk'ile te kolb'il wib'e.
5Jakulo tz'el nnik'e ti'j alkye yol ktzajel ttzaq'we'n weye, ex jakulo tz'el nnik'e ti'j alkye ktzajel tma'n weye.
6Pero mlaylo yolin kyuw wuk'ile tu'nju at tipumal, noq o'kx jakulo chin kub' tb'i'n,
7ex jakulo tz'el tnik' ti'j qa at ttxolil nyole, jakulo tma weye qa minti' wile ex jakulo chin kyaj ttzoqpi'n te jumajx.
8In chin jyone ti'j Dios tuj tjawitz q'ij pero mi a'l at, in chin jyone ti'j tuj telex q'ij ex minti' in knet wu'ne.
9In chinxe jyolte tuj tb'anq'ab' q'ij, pero minti' in wile; in chinxe tuj tnayaj q'ij, ax minti' in tzaj tyek'un tib' weye.
10Atzun te b'a'n tu'n jatum in chin b'ete; ok woke tuj malb'il tu'n, chin elele minti' wile.
11Kukx lepch qine ti'j ex minti' in chin el tzpete ti'j b'e ma kyaj tyek'un weye.
12Kukx in che japun qe tley wu'ne ax ikx qe tmandamyent, ex mya aju wexe wajb'il.
13Ok in kub' t-ximan tu'n tb'ant jun ti'xti tu'n, in b'ant tu'n ex mi a'l jun jaku mayonte te.
14Aju ma kub' t-ximan tu'n tb'inchante wi'je, atzunju ok kb'antel tu'n, ex at mastl ximamaj tu'n ik tza'nx jlu.
15Kyja'tzun in chin xob'e twitz, noq o'kx ok wok tene ximal ti'j in tzaj nim t-xob'il wi'je.
16Ate Dios aju at tipumal tu'n tb'ant tkyaqil tu'n, ma tzaj b'aj nk'u'je tu'n, ex ma tzaj t-xob'il wi'je.
17Noqwit b'a'n nkub' naje tu'n qlolj qonik'an ex tu'n nxi ewane tu'n.
Who We AreWhat We EelieveWhat We Do
2025 by iamachristian.org,Inc All rights reserved.
