1 Crónicas 8 - Mam Huehuetenango New Ortography

Qe tiyjil Benjamín

1Qe tky'ajal Benjamín, atzun qe jlu: Bela tb'i tnejel, Asbel tb'i tkab'in, Ahara tb'i toxin,

2Noha tb'i tkyajin, ex Rafa tb'i tjwe'yin.

3Qe tky'ajal Bela, atzun qe jlu: Adar, Gera, Abiud,

4Abisúa, Naamán, Ahoa,

5Gera, Sefufán ex Hiram.

6Qe tky'ajal Aod, aqeju nejenel kye junjun k'loj kyiyjil najlqetoq tuj tnam Geba e je'x q'i'n tu'n kypon tuj tnam Manahat, atzun qe jlu:

7Naamán, Ahías ex Gera. Ate Gera xi q'inte kye, ex ax Gera tman Uza ex Ahiud.

8Ate Saharaim o tzaj txqantl tky'ajal tuj tx'otx' kye aj Moab, tkub'lenxi tpa'n tib' kyuk'il qe t-xu'jil Husim ex Baara kyb'i.

9Qe tky'ajal e tzaj ti'j Hodes, aju juntl t-xu'jil o knet, atzun qe jlu: Jobab, Sibia, Mesa, Malcam,

10Jeúz, Saquías ex Mirma. Atzun qe tky'ajal jlu, nejenel qe kye junjun k'loj kyiyjil.

11Ex qe tky'ajal otoq che tzaj ti'j t-xu'jilb'en Husim tb'i, atzun qe jlu: Abitob ex Elpaal.

12Qe tky'ajal Elpaal, atzun qe jlu: Heber, Misam, ex Semed. Ate Semed jaw b'inchante qe tnam Ono ex Lod kyuk'ix qe ky-aldey.

13Ax ikx Bería ex Sema tky'ajal Elpaal qe, nejenel qe kye qe kyiyjil najlqe tuj tnam Ajalón. Atzun qe e b'je'x lajonte kye qe xjal najlqetoq tuj tnam Gat.

14Qe tky'ajal Bería, atzun qe jlu: Ahío, Sasac, Jeremot,

15Zebadías, Arad, Ader,

16Micael, Ispa ex Joha.

17Qe tky'ajal Elpaal, atzun qe jlu: Zebadías, Mesulam, Hizqui, Heber,

18Ismerai, Jezlías ex Jobab.

19Qe tky'ajal Simei, atzun qe jlu: Jaquim, Zicri, Zabdi,

20Elienai, Ziletai, Eliel,

21Adaías, Beraías ex Simrat.

22Qe tky'ajal Sasac, atzun qe jlu: Ispán, Heber, Eliel,

23Abdón, Zicri, Hanán,

24Hananías, Elam, Anatotías,

25Ifdaías ex Peniel.

26Qe tky'ajal Jeroham, atzun qe jlu: Samserai, Seharías, Atalías,

27Jaresías, Elías, ex Zicri.

28Atzun qe jlu nejenel qe, mas ma' kyoklen kyxol junjun k'loj kyiyjil ik tza'nx kyb'i tz'ib'an, ex atzun qe jlu e najan tuj Jerusalén.

Qe tiyjil Saúl 1 Crónicas 9.35-44

29Tuj tnam Gabaón najltoq Jehiel, aju nejenel tuj Gabaón. Aju t-xu'jil Jehiel, Maaca tb'i.

30Ex atzun kyb'i qe tky'ajal jlu: Abdón tb'i tnejel, tuk'ix Zur, Cis, Baal, Ner, Nadab,

31Gedor, Ahío, Zequer

32ex Miclot aju tman Simea. Ax ikx qe jlu e najan niqayin kytxlaj kyerman tuj Jerusalén.

33Ate Ner tman Cis, atzunte Cis tman Saúl, ex ate Saúl kyman Jonatán, Malquisúa, Abinadab ex Es-baal.

34Ate Jonatán tman Merib-baal, atzunte Merib-baal tman Micaía.

35Qe tky'ajal Micaía, atzun qe jlu: Pitón, Melec, Tarea, ex Acaz.

36Ate Acaz tman Joada, ex atzunte Joada kyman Alemet, Azmavet ex Zimri; ate Zimri tman Mosa,

37atzunte Mosa tman Bina, atzunte Bina tman Rafa, atzunte Rafa tman Elasa, atzunte Elasa tman Azel.

38Qe tky'ajal Azel qaq kyb'aj, ex atzun qe jlu: Azricam, Bocru, Ismael, Searías, Obadías ex Hanán. Atzun qe jlu tky'ajal Azel.

39Qe tky'ajal Esec aju terman Azel, atzun qe jlu: Ulam tb'i tnejel, Jeús tb'i tkab'in ex Elifelet tb'i toxin.

40Qe tky'ajal Ulam, atzun qe soldad kyuw kyk'u'j tuj q'oj, mejor che xo'n tu'n xob'l plech. Nimxix kyky'ajal e ten ax ikx qe tal kychman, jun syent tuk'il 50 kyb'et tu'n tkyaqilx. Kykyaqil qe jlu tiyjil Benjamín qe.