1Tzaj tyek'un Qman weye ate Josué aju tnejel pal wa'l tkub'toq twitz t-anjel Qman. Tuj tb'anq'ab' Josué tkub'toq Satanás in q'mantoq ti'j alkye til Josué.
2Xitzun tma'n t-anjel Qman te Satanás: Awt Qman mayonte teya. Awt Qman aju in k'ujlante tnam Jerusalén mayonte teya. Ate xjal lu ik tten ik tza'n jun ttxan si' ma tz'etz q'i'n tuj q'aq'.
3Toktoq t-xb'alun Josué nim tz'il ti'j ex wa'l tkub'toq twitz t-anjel Qman.
4Atzunte anjel xi tma'n kye qe onil te tu'n tel kyi'n t-xb'alun Josué, aqeju nimtoq tz'il kyi'j. Xi tma'n anjel te Josué kyja': B'intza, atzun t-xilen jlu, ma tz'el wi'ne tila ex ma tz'ok nq'o'ne t-xb'aluna tb'anilxix.
5Xi tma'ntl anjel kye qe onil te tu'n tok kyq'o'n jun k'alb'il wib'aj saqxix ti'j wen ti'j twi' Josué. Oktzun kyq'o'n jun k'alb'il twi' Josué ex te tib'ajxi ok kyq'o'n t-xb'alun tb'anilxix wen, akux wa'lxtoq ju anjel.
6Xi tma'ntl t-anjel Qman te Josué kyja':
7Atzun jlu in tma'n Qman, aju Tajaw Tkyaqil: Qa ma b'eta tuj tumelxix nwitze ex qa ma japun tu'na tkyaqilju o txi nma'ne teya, ax ikx kyjel ten njaye tuj tkwenta, kyuk'ix qe ttxa'n pe'n, ex kxel nq'o'ne toklena kyxol qeju in che ajb'en weye.
8B'intza Josué, aya tnejel pal, ax ikx e ttzaj kyb'i'n qe tuk'ila, porke aqeye jun techal ti'j ju tzul: Lu ktzajel wi'ne nmajene, aju tok tb'i t-xul.
9Lu ma kub' nq'o'ne jun ab'j twitz Josué, at wuq pak' ttxlaj, ex ax qine chin b'el tz'ib'ante junjun yol twitz. Ex tuj junx q'ij k'elel b'aj wi'ne kyil kykyaqil xjal ate' tuj tx'otx' lu.
10Oktzun tul kanun ju q'ij lu, tuj txub'txaj che anq'ile; teyle junjun kyeye ktzajel ttxko'n tamiw tu'n kyojlane tjaq' t-xlekumal tqan higo ex tjaq' tqan uva at kyuk'ile. A qine Dios Tajaw Tkyaqil in chin q'mante jlu.
Who We AreWhat We EelieveWhat We Do
2025 by iamachristian.org,Inc All rights reserved.
