Adiyisɛm 15 - KYER?W KRONKRON（ATWDB）

Abɔfo a wɔkurakura ɔhaw mmusu a etwa to no

1 Adi 12.1; 12.3; 11.18 Na mihuu sɛnkyerɛnne foforo bi a ɛso na ɛyɛ nwonwa ɔsoro: Abɔfo baason a wokurakura ɔhaw mmusu ason a etwa to no a ɛno na etwa Onyankopɔn abufuw no to.

2 Adi 4.6; 13.15; 13.18; 5.8 Na mihuu biribi a ɛte sɛ ahwehwɛ po a ogya fra mu. Na wɔn a wodii aboa no ne ne honi ne ne din akontaahyɛde ho nkunim no gyinagyina ahwehwɛ po no ano kurakura Onyankopɔn asanku.

3Eks 15.1; 15.11; Adi 5.9; 5.12; Nnw 145.17; Yer 10.6-7 Na wɔto Onyankopɔn akoa Mose dwom ne Oguammaa no dwom sɛ:

Awurade Nyankopɔn, ade nyinaa so tumfo,

wo nnwuma yɛ akɛse na ɛyɛ nwonwa.

Amanaman hene, w’akwan teɛ na ɛyɛ nokware.

4 Nnw 86.9 Awurade, hena na ɔrensuro wo

na ɔnhyɛ wo din anuonyam?

Efisɛ wo nko na woyɛ kronkron,

na amanaman nyinaa bɛba

abɛkotow w’anim, efisɛ

w’asɛntrenee ada adi.

5 Adi 11.19 Na eyinom akyi no mehwɛe, na wɔahiɛ adanse ntamadan no asɔredan no ɔsoro.

6Adi 1.13 Na abɔfo baason a wokurakura ɔhaw mmusu ason no fi asɔredan no mu fii adi, wɔhyehyɛ nwera fitafitaa a ɛharan, na wɔde sika abɔso abobɔ wɔn mu.

7Adi 4.6-8; 14.10 Na ateasefo baanan no mu biako maa abɔfo baason no sika nkuruwa ason a wɔde Nyankopɔn a ɔte ase daa daa no abufuw ahyɛ no mama.

8Eks 40.34; 1 Ah 8.10; Yes 6.4; Hes 44.4 Na owusiw a efi Nyankopɔn anuonyam ne ne tumi no mu hyɛɛ asɔredan no ma, na obiara antumi ankɔ asɔredan no mu kosii sɛ wowiee abɔfo baason no ɔhaw mmusu ason no ansa.