Sirak 36 - KYER?W KRONKRON（ATWDB）

Onyankopɔn nkurɔfo mpaebɔ

1Ao, AWURADE. Hu yɛn mmɔbɔ na wone yɛn nyinaa Nyankopɔn,

2na ma wo ho suro nkata aman nyinaa so.

3Ma wo nsa so tia amanaman ananafo no,

na ma wonhu wo tumi.

4sɛnea wonam yɛn so de wo kronkronyɛ akyerɛ no,

saa ara na fa wɔn so ma yenhu w'anuonyam.

5Na womehu wo, sɛnea yɛahu wo no,

sɛ Onyankopɔn bi nni hɔ, sɛ wo, Ao AWURADE.

6Yɛ nsɛnkyerɛnne foforo, na yɛ anwonwade nso;

7hyɛ w’abasa ne wo nsa nifa anuonyam.

8Ma w’abufuw ne w'abufuhyew nsɔre

9sɛe ɔyɛfo no, na popa ɔtamfo no fi hɔ.

10Ma da no mmra ntɛm, na kae bere a woahyɛ no,

na ma nkurɔfo nkae wo nnwuma akɛse no.

11Ma w’abufuhyew ano gya no nhyew wɔn a wɔda so te ase,

na ma wɔn a wodi wo nkurɔfo awu nhyia ɔsɛe.

12Atamfo tumidifo a wɔka sɛ:

Obiara nni hɔ gye wɔn no,

di wɔn so nkonim.

13Boaboa Yakob mmusuakuw no ano,

na fa wɔn agyapade ma wɔn, sɛnea ɛte fi mfiase no.

16Ao AWURADE, hu nkurɔfo a wɔbɔ wo din no mmɔbɔ,

ne Israel a, woabɔ wɔn din sɛ w'abakan no.

17Hu Yerusalem ahenkurow,

a wote mu no na wo,

kronkronbea wɔ hɔ no mmɔbɔ.

18Fa w'awonwade hyɛ Sion ma;

na fa w’anuonyam hyɛ w’asɔrefi hɔ.

19Yi wo ho adi kyerɛ wɔn a

wobɔɔ wɔn dii kan no,

na hyɛ nkɔm a wɔhyɛɛ

no wo din mu no ma.

20Ma wɔn a wɔtwɛn wo no akatua pa,

na ma wo nkɔmhyɛfo nyɛ anokwafo.

21Ao AWURADE, tie yɛn a yɛyɛ wo nkoa no mpaebɔ,

sɛnea wo nhyira a wode maa wo nkurɔfo no te.

na asase sofo nyinaa nhu sɛ wo ne AWURADE,

teteete Nyankopɔn no.

Nyiyimu

23Ɔyafunu begye aduan biara,

nanso aduan bi ye sen bi,

24na sɛnea tɛkrɛma sɔ nam ahorow hwɛ no,

saa ara na abadwemma tumi hu atorosɛm.

25Adwene huhuw de ayawdi ba,

nanso onipa a ɔwɔ abrabɔ mu osuahu no, tumi yɛ no bi.

26Ɔbea tumi ware ɔbarima biara,

nanso ɔbea bi ye sen bi.

27Ɔbea ahoɔfɛ ma ɔbarima ani gye,

ma hwee nni hɔ a ne kɔn dɔ bio.

28Sɛ ne kasa kyerɛ ayamye ne ahobrɛase a,

na ne kunu ti ayɛ yie sen mmarima a aka no.

29Nea ɔwɔ yere no, anya agyapade a ɛsom bo,

ɔboafo a ɔfata, ne adum a n’ahoɔden gyina so.

30Baabi a banbɔ nni no, wowia

agyapade a ɛwɔ hɔ no,

na saa ara na baabi a ɔyere nni no,

ɔbarima no kyinkyin na ɔyɛ ɔkobɔfo.

31Hena ɔde ne werɛ bɛhyɛ onipa korɔmfo mu,

nea otu fi kurow biako kɔ foforo so,

enti hena na obegye ɔbarima a onni ofi

na ɔda baabiara a ade bɛsa no no adi?