Nyansa 6 - KYER?W KRONKRON（ATWDB）

Ahemfo nhwehwɛ nyansa

1Ne saa nti montie. O mo ahemfo,

monya nte ase;

O mo atemmufo a

mowɔ wiase afanan nyinaa.

2Monyɛ aso, mo a mudi tumi

wɔ nnipa dodow so,

na mode aman pii hoahoa mo ho.

3 Rom 13.1 Efisɛ mo tumidi no

AWURADE na ɔde ama mo

na mo tumi no

Ɔsorosoroni no nkyɛn na efi,

ɔno na ɔbɛhwehwɛ mo nnwuma mu

na wabisabisa mo nhyehyɛɛ mu.

4efisɛ, moyɛ n’ahemman mu asomfo,

nso moammɔ bra pa

moanni mo tumi no yiye,

moanni ne mmara so,

na moanantew sɛnea ne pɛ te

Onyankopɔn botae,

5ɔbɛba mo so mpofirim

ne ntɛm so

ɔde atemmu dennen bɛba

wɔn a wɔwɔ dibea a ɛkrɔn no so.

6Abrɛfo no de wobehu wɔn mmɔbɔ

mmom atumfo no, wɔbɛhwehwɛ wɔn nsɛm mu.

7Efisɛ obiara begyina

ade nyinaa so tumfo no anim

na ɔrenhwɛ obi anim, anaa ne kɛseyɛ ho;

esiane sɛ ɔno ara na ɔbɔɔ akumaa

ne ɔkɛse nyinaa,

na ɔdwene wɔn nyinaa ho pɛ.

8Mmom nhwehwɛmu kɛse wɔ hɔ

ma tumidifo no.

9O, ahemfo,

mekasa kyerɛ mo,

sɛnea mobesua nyansa,

na moamfom kwan trenee no.

10Efisɛ wɔn a wodi nhyehyɛe kronkron so,

wɔ kronkronyɛ mu no, wɔbɛyɛ wɔn kronkron,

na wɔn a wɔakyerɛkyerɛ wɔn no,

wɔbɛbɔ wɔn ho ban.

11Saa nti, momfa ɔpɛ nni me nsɛm so;

monnwen ho,

na moayɛ animdefo.

Nyansa ho kyerɛkyerɛ

12Nyansa hyerɛn na ɛmpo

na wɔn a wɔpɛ no,

wɔmmrɛ ho ansa na wonya

na wɔn a wɔhwehwɛ no no,

wohu no.

13Ɔyɛ ntɛm de ne ho kyerɛ

wɔn a wɔpɛ sɛ wohu no.

14Nea ɔsɔre anɔpahema hwehwɛ no no,

ɔremmrɛ ho koraa na wahu no,

efisɛ wobehu no

sɛ ɔte n'abobow ano.

15Sɛ wodwene ne ho a

wobenya ntease,

na nea n'ani da no so no,

ɛrenkyɛ ne haw to betwa.

16esiane sɛ okyin hwehwɛ wɔn a wodi mu sɛ ɔno,

na adom mu ara oyi ne ho adi kyerɛ wɔn

wɔ wɔn akwan so

na ohyia wɔn wɔ adwene biara mu.

17Nyansa mfiase ne sɛ wobenya

kyerɛkyerɛ wɔ ɔpɛ pa ho,

sɛ wohwehwɛ nimdeɛ a na ɔpɛ,

18na sɛ wodɔ no a di ne mmara so,

na woredi ne mmara so no

kyerɛ daa nkwa ho bɔhyɛ;

19na daa nkwa twe onipa bɛn ne Nyankopɔn;

20nti nyansapɛ

de nnipa kɔ ahemman mu.

21Ne saa nti, O! ahemfo a mo ani

gye ahenni, ne akyeapoma ho,

na mudi aman so, monsua nyansa

na ama moadi hene afebɔɔ.

Nyansa tebea

22Mɛkyerɛkyerɛ mo nyansa sɛ ɛte

meremfa hwee nsuma mo,

mmom mɛkyerɛ mo ho akwan

afi abɔde mfiase;

na mada ne ho nimdeɛ adi pefee

na mada nokware no adi;

23nanso meremfa me ho mmɔ

nitanfo ho,

efisɛ nitan ne nyansa nyɛ ne nnamfo,

24Anyansafo ne wiase nkwagye,

na ɔhene nyansafo ma

ne nkurɔfo asomdwoe.

25Ne saa nti monsua me nsɛm,

na ɛbɛyɛ mfaso ama mo.