1Ɔbea nyansafo si ne dan,
na ɔbea kwasea de ne nsa dwiriw.
2Nea ɔnantew ne teeyɛ mu no suro Awurade,
na nea ɔkyea n’akwan no tew no ahi.
3Ogyimifo anom na n’ahokyerɛ abaa wɔ,
na anyansafo ano kora wɔn so.
4Nea anantwi nni hɔ no, adidide nso nni hɔ,
na nnɔbae pii wɔ nantwinini ahoɔden mu.
5Ɔdansefo nokwafo renni atoro,
na ɔdansekurumfo huw atosɛm.
6Ɔfɛwdifo hwehwɛ nyansa, na onnya,
na nimdeɛ nyɛ nhumufo nyana.
7Fi ɔba kwasea nkyɛn kɔ,
na worenhu nimdeɛ wɔ n’anom.
8Onitefo nyansa ne sɛ ohu ne kwan mu,
na nkwasea agyimisɛm yɛ nnaadaa.
9Agyimifo asodi ho afɔre yɛ ɔkwa,
na teefo mu na anisɔ wɔ.
10Koma nim ne kra awerɛhow,
na n’anigye nso, ɔhɔho mfa ne ho mfra mu.
11 Hiob 18.14; Mmb 12.7 Abɔnefo fi bebutuw,
na teefo ntamadan bɛfefɛw.
12Ɛwɔ ɔkwan bi a ɛteɛ onipa ani so,
na n’awiei yɛ owu kwan.
13Ɔserew mu po koma hu yaw,
na anigye no awiei yɛ awerɛhow.
14Komam kyirisanfo akwan bɛmee no,
na onipa pa nso ade bɛmee no.
15Atetekwaa gye nsɛm nyinaa di,
na onitefo hwɛ ne nantew mu yiye.
16Onyansafo suro, na ɔsan fi bɔne ho,
na ɔkwasea de n’ahodaso fa mu.
17Nea ne bo nkyɛ fuw di agyimisɛm,
na onipa a ɔpam apammɔne, wɔtan no.
18 Efe 5.15 Ntetekwaa ade a wodi ne agyimisɛm,
na anitefo de nimdeɛ hyehyɛ wɔn ho.
19Abɔnefo bɛbrɛ wɔn ho ase apapafo anim,
na abɔnefo akotow treneefo mmobowano.
20 Mmb 19.4, 7 Ohiani de, ne yɔnko po tan no,
na ɔdefo adɔfo dɔɔso.
21 Nnw 41.1 Nea obu ne yɔnko animtiaa yɛ bɔne,
na nhyira ne nea ohu amanehunufo mmɔbɔ.
22So wɔn a wɔbɔre asɛmmɔne mfom anaa?
Na ɔdom ne nokware wɔ wɔn a wɔbɔre asɛmpa.
23 Mmb 10.4 Ɔbrɛ nyinaa mu wɔ nnɔbae,
na anosɛm de, ohia ara nko.
24Anyansafo abotiri ne wɔn ahode,
nkwasea agyimisɛm yɛ agyimisɛm ara nko.
25 Mmb 12.17 Nokware dansefo gye nnipa nkwa,
na nea ohuw atosɛm twa nkontompo.
26 Mmb 18.10 Awurade suro mu wɔ ahodaso a emu yɛ den,
na ɔbɛyɛ guankɔbea ama ne mma.
27 Mmb 13.14 Awurade suro yɛ nkwa nsuti,
na wɔde fi owu afiri mu.
28Ɔman dodowyɛ mu na ɔhene anuonyam wɔ,
na nkurɔfo sa a, ɛma otitiriw sɛe.
29 Mmb 16.32; 19.11 Nea n’abufuw yɛ nyaa no wɔ ntease pii,
na honhom mu katirikatirifo ma agyimisɛm so.
30 Mmb 12.4 Komam dwo yɛ ɔhonam nkwa,
na nitan yɛ nnompe mu porɔw.
31 Mmb 17.5; 19.17 Nea ɔhyɛ ɔbrɛfo so no bɔ ne yɛfo ahohora,
na nea ohu ohiani mmɔbɔ no hyɛ no anuonyam.
32Wosum ɔbɔnefo kyene, ne bɔneyɛ mu,
na ɔtreneeni wɔ ne wu mu anidaso.
33Nyansa te nhumufo komam,
na nea ɛwɔ nkwasea mu beda adi.
34Trenee ma ɔman so,
na bɔne yɛ ahohorade ma ɔman biara.
35 Gye 41.38 Ɔhene ani sɔ akoa nimdefo,
na ne bo fuw nea ɔyɛ aniwude.
Who We AreWhat We EelieveWhat We Do
2025 by iamachristian.org,Inc All rights reserved.
