1 Neh 7.5-73 Na eyinom ne Yuda asase no sofo a wofi nnommum a Babel hene Nebukadnesar tutuu wɔn kɔɔ mu wɔ Babel no, wɔsan baa Yerusalem ne Yuda, na wɔkokɔɔ wɔn nkurow mu.
2Esra 1.8; 2.63 Wɔne Serubabel ne adikanfo a edidi so yi na ɛbae: Yesua, Nehemia, Seraia, Reelaia, Mordekai, Bilsan, Mispar, Bigwai, Rehum, Baana.
Israel man mu mmarima dodow ni:
3Paros mma: Mpennu ɔha aduɔsɔn abien.
4Sefatia mma: Ahasa aduɔsɔn abien.
5Arah mma: Ahansɔn aduɔsɔn anum.
6Pahat-moab mma: Yesua ne Yoab mma de: Mpennu ahanwɔtwe ne dumien.
7Elam mma: Apem ahanu aduonum anan.
8Satu mma: Ahankron aduanan anum.
9Sakai mma: Ahansɔn aduosia.
10Bani mma: Ahansia aduanan abien.
11Bebai mma: Ahansia aduonu abiɛsa.
12Asgad mma: Apem ahanu aduonu abien.
13Adonikam mma: Ahansia aduosia asia.
14Bigwai mma: Mpennu aduonum asia.
15Adin mma: Ahanan aduonum anan.
16Ater mma: Hesekia de: Aduakron awotwe.
17Besai mma: Ahasa aduonu abiɛsa.
18Yora mma: Ɔha ne dumien.
19Hasum mma: Ahanu aduonu abiɛsa.
20Gibar mma: Aduakron anum.
21Betlehem mma: Ɔha aduonu abiɛsa.
22Netofa mmarima: Aduonum asia.
23Anatot mmarima: Ɔha aduonu awotwe.
24Asmawet mma: Aduanan abien.
25Kiriat-arim, Kefira ne Beerot mma: Ahansɔn aduanan abiɛsa.
26Rama ne Geba mma: Ahansia aduonu biako.
27Mikmas mmarima ɔha aduonu abien.
28Betel ne Ai mmarima: Ahanu aduonu abiɛsa.
29Nebo mma: Aduonum abien.
30Magbis mma: Ɔha aduonum asia.
31Elam foforo bi mma: Apem ahanu aduonum anan.
32Harim mma, ahasa aduonu.
33Lod, Hadid ne Ono mma: Ahansɔn aduonu anum.
34Yeriko mma: Ahasa aduanan anum.
35Senaa mma: Mpensa ahansia aduasa.
36Asɔfo no: Yedaia mma: Yesua fi de: Ahankron aduɔsɔn abiɛsa.
37Imer mma: Apem ne aduonum abien.
38Pashur mma: Apem ahannu aduanan asɔn.
39Harima mma: Apem ne dunsɔn.
40 Neh 12.8 Lewifo: Yesua ne Kadmiel mma: Hodawia mma de: Aduɔsɔn anan.
41Nnwontofo: Asaf mma: Ɔha aduonu awotwe.
42Aponanohwɛfo mma: Salum mma, Ater mma, Talmon mma, Akub mma, Hatita mma, Sobai mma: Wɔn nyinaa si ɔha aduasa akron.
43 Esra 8.20 Nsɔfokwaa: Siha mma, Hasufa mma, Tabaot mma,
44Keros mma, Siaha mma, Padon mma,
45Lebana mma, Hagaba mma, Akub mma,
46Hagab mma, Samlai mma, Hanan mma,
47Gidel mma, Gahar mma, Reaia mma,
48Resin mma, Nekoda mma, Gasam mma,
49Usa mma, Pasea mma, Besai mma,
50Asna mma, Meunifo mma, Nefisifo mma,
51Bakbuk mma, Hakufa mma, Harhur mma,
52Baslut mma, Mehida mma, Harsa mma,
53Barkos mma, Sisera mma, Temah mma,
54Nesia mma, Hatifa mma.
55 1 Ah 9.21 Solomon nkoa mma: Sotai mma, Soferet mma, Peruda mma,
56Yaala mma, Darkon mma, Gidel mma,
57Sefatia mma, Hatil mma, Pokeret-hasebaim mma, Ami mma.
58 Yos 9.23 Nsɔfokwaa nyinaa ne Solomon nkoa mma: Ahasa aduakron abien.
59Na eyinom ne wɔn a wofi Tel-mela, Tel-harsa, Kerub, Adan ne Imer foro bae, na wɔantumi ankyerɛ wɔn mpanyimfi ne wɔn ase, sɛ wofi Israel mu anaa:
60Delaia mma, Tobia mma, Nekoda mma: Ahansia aduonum abien.
612 Sa 19.31 Na asɔfo mma mu: Habaia mma, Hakos mma, Barsilai a ɔwaree Gileadni Barsilai mma mu biako na wɔde wɔn din too no mma:
62Eyinom hwehwɛɛ wɔn din wɔ mmusua nkyerɛwee no mu, na wɔanhu, na wobuu wɔn sɛ wɔn ho ntew nti, woyii wɔn fii asɔfodi mu.
63Esra 2.2; Eks 28.30 Na amrado ka kyerɛɛ wɔn sɛ wonnni akronkronne mu ade kronkron no bi kosi sɛ ɔsɔfo bi de Urim ne Tumim ase ne: Hann ne nokware begyina hɔ.
64Bagua mu no nyinaa ano si mpem aduanan abien ne ahasa aduosia,
65ɛsono wɔn nkoa ne wɔn mfenaa, wɔn nso si mpemnsɔn ahasa aduasa asɔn. Na wɔwɔ nnwontofo mmarima ne mmea ahanu.
66Wɔn apɔnkɔ si ahansɔn aduasa asia, wɔn mfurumpɔnkɔ: Ahanu aduanan anum,
67wɔn yoma: Ahanan aduasa anum, mfurum: Mpemnsia ahansɔn aduonum.
68Na agyanom atitiriw no mu binom baa AWURADE fi a ɛwɔ Yerusalem no, wɔbɛkyekyɛɛ Onyankopɔn fi no ho ayamye ade, sɛ wɔmfa mma so nsi ne sibea.
69Nea wobetumi na wɔde guu adwuma no ho akorade mu: Sika nsuruboaa mpem aduosia biako, ne dwetɛ mmɛnnaa mpemnum, ne asɔfo ntade ɔha.
70Na asɔfo no ne Lewifo no ne ɔman no mu binom, ne nnwontofo no ne aponanohwɛfo no ne nsɔfokwaa no bɛtenatenaa Yerusalem ne ɛho nkurow mu, na Israel nyinaa tenatenaa wɔn nkurow mu.
Who We AreWhat We EelieveWhat We Do
2025 by iamachristian.org,Inc All rights reserved.
