Nnwom 124 - KYER?W KRONKRON（ATWDB）

Onyankopɔn ne yɛn wɔ hɔ ahohia muMforoso dwom. Dawid de

1Sɛ ɛnyɛ AWURADE na ɔwɔ yɛn afa a,

ma Israel nka ɛ:

2Sɛ ɛnyɛ AWURADE na ɔwɔ yɛn afa a,

bere a nnipa sɔre hyɛɛ yɛn no a,

3anka wɔn abufuw dɔ hyɛɛ yɛn no,

wɔamemmene yɛn animono,

4 Nnw 42.7; 69.15 anka nsu amene yɛn,

anka asubɔnten abɔ afa yɛn kra so,

5anka nsu a ɛyɛ ahantan

abɔ afa yɛn kra so.

6Nhyira ne AWURADE

a wamfa yɛn anyɛ hanam amma wɔn se.

7Yɛn kra aguan sɛ anomaa

afi afirisumfo afiri mu,

afiri no abu,

na yɛn de, yɛaguan.

8 Nnw 121.2 Yɛn boa wɔ AWURADE

a ɔyɛɛ ɔsoro ne asase no din mu.