Yona 2 - KYER?W KRONKRON（ATWDB）

Yona mpaebɔ ne ne nkwagye

1Na Yona fi apataa no yam bɔɔ AWURADE ne Nyankopɔn mpae sɛ:

2 Nnw 120.1 Mifi m’ahohia mu misu mefrɛɛ AWURADE,

na otiee me;

mifi asaman bun mu meteɛɛm,

na woate me nne.

3 Nnw 42.7 Na wotow me kyenee ebun mu,

ɛpo koma mu,

na ɔhweam twaa me ho hyiae;

w’asorɔkye ne w’aworo nyinaa bu faa me so.

4 Nnw 31.22 Na me nso mise: Wɔatu me afi w’anim,

nanso mɛkɔ so mahwɛ w’asɔrefi kronkron no kwan.

5 Nnw 18.4; 69.1 Nsu betwaa me ho hyiae beduu ɔkra ho,

ebun twaa me ho sii,

ɛpo mu wura kyekyeree me ti;

6 Nnw 103.4 misian mekɔɔ mmepɔw ntini ho tɔnn

mekɔɔ asamando na wɔkaa me too koransan kosii daa,

nanso wo AWURADE yii me fii owu amoa mu, AWURADE me Nyankopɔn.

7 Nnw 142.4 Me kra tɔɔ me mu piti no, mekaee AWURADE,

na me mpaebɔ duu wo nkyɛn, yiw w’asɔrefi kronkron hɔ.

8 Nnw 31.6 Wɔn a wodi atoro ahoni akyi no,

pa wɔn dom no.

9 Nnw 50.14; 116.17-18 Na me de, mede aseda nne mɛbɔ wo afɔre,

nea mahyɛ ho bɔ no, metua;

efisɛ nkwagye fi wo AWURADE hɔ.

10AWURADE ka kyerɛɛ apataa no maa ɔkɔfee Yona too asase kesee so.