Sirak 3 - KYER?W KRONKRON（ATWDB）

ofra wɔ awofo

1Ao mmofra, montie me a meyɛ agya,

monyɛ nea ɛteɛ, na moatena komm.

2Efisɛ Awurade di agya ni sen ne mma;

na ɔhyɛ ɛna den wɔ ne mma so.

3Obiara a odi n’agya ni no,

de pata ne bɔne,

4na obiara a odi ne na ni no,

te sɛ obi a ɔboaboa agyapade ano.

5Nea odi n’agya ni no

n'ankasa mma bɛma n’ani agye,

na sɛ ɔbɔ mpae a, wobetie no.

6Obiara a ɔhyɛ n’agya anuonyam no,

benya nkwa tenten,

na obiara a otie ne na no

tie Awurade.

7Wɔbɛsom wɔn awofo

sɛ wɔn wuranom.

8Fa wo kasa ne wo nneyɛe di w'agya ni,

na ne nhyira aba wo so.

9Efisɛ agyanom nhyira hyɛ mma fi den

nanso ɛna nnome sɛe wɔn fapem

10Mma ɛnyɛ wo dɛ sɛ wommu w'agya

na w’agya animguase nyɛ nhyira mma wo.

11Agya anuonyam, yɛ ɔba anuonyam

na ɛyɛ aniwu ma mma

sɛ wommu wɔn nanom.

12Me ba, boa w’agya wɔ ne nkwakorabere mu,

na nhow ne werɛ mmere a ɔte ase no;

13sɛ nso n'adwene mu nna hɔ mpo a, nya ne ho abotare;

esiane sɛ wowɔ nimdeɛ a emu da hɔ nti mmu no a.

14Adɔe a wɔyɛ ma agya no yɛ ade a wɔkae daa,

wɔde betua wo bɔne so ka.

15W’amane mu no wɔde bɛkae wo;

wo bɔne bɛnan sɛ obosu a ɛwɔ wim te no.

saa ara na wo bɔne bɛyera.

16Nea ɔpo n’agya no te sɛ

obi a ɔka abususɛm,

na nea oyi ne na abufuw no

Awurade adome no.

Ahobrɛase

17Me ba, yɛ w'ade ahobrɛase mu

na wɔn a wɔdɔ Onyame no nso bɛdɔ wo.

18

26Ɔsoɔdenfo adwene benya awiei bɔne,

na nea ɔpɛ ɔhaw no bɛyera wɔ mu.

27Ɔsoɔdenfo adwene twetwe ɔhaw ba ne ho so

na ɔbɔnefo twetwe bɔne ka bɔne ho.

28Sɛ bɔne to ɔbɔnefo a aduru bi nni hɔ ma no,

esiane sɛ bɔne dua agye ntini wɔ ne mu.

29Onyansafo adwene te abɛbu ase kɔ akyi,

na aso a etie asɛm no ne onyansafo apɛde.

Ahiafo so adɔeyɛ

30Sɛnea nsu dum ogyaframa no,

saa ara na akyɛde yɛ bɔne ho mpata.

31Obiara a onya adom a ɔda so ase no, dwene daakye ho.

Sɛ ɔhwe ase a, obenya nkurɔfo aboa no.