Nnwom 30 - KYER?W KRONKRON（ATWDB）

Aseda dwomDwom a wɔde dwiraa asɔredan ho. Dawid dwom.

1 Nnw 35.19, 24 Mɛma wo so, AWURADE, efisɛ woayi me,

na woamma m’atamfo ani annye, me nti.

2AWURADE, me Nyankopɔn, misu mefrɛɛ wo,

na wosaa me yare.

3 Nnw 116.3-4 AWURADE, woatwe me kra afi Asamando,

woama me nkwa na mankɔ Amoa mu.

4Monto AWURADE dwom, mo a moyɛ n’ahotefo,

na munyi ne nkae kronkron no ayɛ.

5 Yes 54.7 Na n’abufuw kyɛ kakraa bi,

na n’adɔe de, ɛtena hɔ kyɛ sɛ nkwa bere.

Osu betumi aba anadwo,

nanso ade kye a, na anigye aba.

6Na me de, misee m’ahodwo mu sɛ:

Merenhinhim ara da.

7AWURADE, wode w’anisɔ ama me

atim dennen sɛ bepɔw,

na wode w’ani hintawee no,

me koma tui.

8Wo, AWURADE, na misu mefrɛɛ wo,

na mekotɔ mesrɛɛ AWURADE sɛ:

9 Nnw 6.5 Dɛn mfaso na ɛwɔ me so

wɔ m’Amoa mu kɔ mu?

Mfutuma bɛda wo ase anaa?

Ɛbɛka wo nokware akyerɛ anaa?

10AWURADE, tie, na hu me mmɔbɔ!

AWURADE, bɛboa me!

11 Yoh 16.20 Woama me nkɔmmɔdi adan me asaw,

woasan me ho ayitama,

na wode anigye abɔ m'asen,

12 Nnw 16.9 na m’anuonyam ato wo dwom na annyae da.

AWURADE, me Nyankopɔn, mɛda wo ase daa.