Yesaia 35 - KYER?W KRONKRON（ATWDB）

Ɔman no sanba

1 Yes 32.15 Num so ne nkyerekyerewa benya anika,

na anwea pradada adi ahurusi,

na ahan sɛ nhwiren;

2nhwiren ara na ebegu,

ahosɛpɛw ne osebɔ mu ara na ebedi ahurusi;

wɔde Lebanon anuonyam,

Karmel ne Saron ahyehyɛde, bɛma no;

wobehu AWURADE anuonyam,

yɛn Nyankopɔn ahyehyɛde no.

3 Heb 12.12 Monhyɛ nsa a ayɛ bɛtɛɛ den,

mummia anankoroma a agow mu;

4 Nnw 94.1 monka nkyerɛ wɔn a wɔn koma atu sɛ:

Monhyɛ mo ho den, munnsuro,

hwɛ, mo Nyankopɔn ni!

Aweredi, Onyankopɔn ananmuhyɛ na ɛreba.

Ɔno na ɔreba abegye mo nkwa!

5 Yes 29.18; Mat 11.5 Ɛno na anifuraefo aniwa bebue,

na asotifo aso abue;

6ɛno na apakye behuruw sɛ ɔforote,

na mum tɛkrɛma ato ahurusi dwom,

na nsu betue sare so,

na nsuwansuwa asen anwea pradada so;

7 Yes 41.18 na kumaforote bɛdan atare,

na asase kesee ayɛ nsuwansuwa;

sakraman tenabea a wobutuwii no,

wura befifi ayɛ sɛ demmire ne nkyɛkyerɛ.

8 Yes 62.10 Na ɔtempɔn ne ɔkwan bɛda hɔ,

na wɔbɛfrɛ no ɔkwan kronkron;

nea ne ho ntew remfa so,

na Onyame nkurɔfo na wɔde bɛma wɔn;

ɔkwantuni biara, nkwaseafo mpo remfom kwan wɔ mu.

9Gyata biara remma hɔ,

na anworanworaboa bi rensi so;

wɔrenhu bi wɔ hɔ,

wɔn a wɔagye wɔn na wɔbɛfa so.

10 Yes 51.11; Nnw 126.6; Adi 21.4 Wɔn a AWURADE apon wɔn no bɛsan aba,

na wɔde dwom aba Sion;

na daa anigye bɛtena wɔn atifi,

ahosɛpɛw ne anigye bɛka wɔn nsa,

na awerɛhow ne apinisi aguan.