Ester Nhoma 11 - KYER?W KRONKRON（ATWDB）

Modekai Adaeso

2Ɔhempɔn Ahas-weros afe a ɛto so abien, ɔsram Nisan a ɛte sɛ nnɛ Ɔbɛnem da a edi kan no, Mordekai a n'agya ne Yair na ne nena de Himai no soo dae.

3Mordekai yɛ Yudani, ne onipa titiriw a na ɔsom wɔ ahemfi wɔ ahenkurow Susa mu.

4Ɔfra nnommum a ɔhene Nebukadnesar de wɔn fi Yerusalem, Yuda hene Yekonia bere so, de wɔn kɔɔ Babel no mu bi. Ne dae no ni:

5Dede ne basabasayɛ wɔ asase so.

6Afei atweaseɛ akɛse abien yiyii wɔn ti, a wɔayɛ krado sɛ wɔne ɔman trenee no rebɛko.

7Wɔn dede no nti ɔman biara siesiee ne ho sɛ wɔne ɔman trenee no rebɛko.

8Ɛyɛ sum ne awerɛhow da, a ɔyaw, ɔbrɛ, ɔko ne hooyɛ wom wɔ asase so.

9Na ɔman trenee no nyinaa dii abooboo, wɔn bo tui sɛ bɔne siane wɔn na ɛpɛ sɛ ɛsɛe wɔn.

10Enti wosu frɛɛ Awurade, na wɔn su a ɛte sɛ asuketewa no, bɛdan asukɛse a nsu pii wom.

11Hann bae, na awia maa ne ho so, na wɔmaa abrɛfo so, sen nnipa a wodi mu.

12Mordekai huu nea Awurade asi ne bo sɛ ɔbɛyɛ wɔ ne dae no mu, enti ɔsɔre fii n'adaeso no mu no, na ɛwɔ n'adwenem da mu no nyinaa, sɛ ɔbɛte biribiara ase fekɔfekɔ.

Saa nhoma yi yɛ akyi de koraa

Afe a ɛto so anan wɔ Polemi ne Kleopatra ahenni mu no, Dositeus a, ɔno ara ka sɛ ɔyɛ ɔsɔfo ne Lewini no, ne ne ba Polemi de saa Purim nhoma yi bae, na wɔkyerɛɛ mu sɛ: Ɛyɛ nokware turodoo. Lisimakus ba Polemi a ɔyɛ wɔn a wɔte Yerusalem no mu baako, na ɔkyerɛɛ ase.