Nyansa 1 - KYER?W KRONKRON（ATWDB）

Papayɛ ho afotusɛm biPAPAYƐ NE ONIPA NKRABEA(1.1—9.18)

1

Mo asase so atumfo

monnyɛ papa.

Monnwen AWURADE ho papayɛ mu,

na momfa nokwaredi nhwehwɛ no mo komam;

2Esiane sɛ wɔn a wɔsɔ no hwɛ no na wohu no

na ɔda ne ho adi kyerɛ wɔn a wogye no di.

3Efisɛ adwenhunu pam nnipa fi Nyankopɔn ho,

na sɛ wosɔ ne tumi hwɛ a,

ɛma wuhu wo mmerɛwyɛ

4ne nyansa renhyɛn onipa daadaafo mu,

na ɔrentena ɔbɔnefo mu.

5Onipa trenee bɛtwe ne ho afi nnaadaa ho,

na wagyaw nkwasea adwene ato nkyɛn

na sɛ bɔne rebɛn a obeguan

Onyankopɔn nim nea yɛka

6Nyansa yɛ honhom pa

nanso ɔremma abusuyɛfo ho nyɛ wɔn tɔtrɔtɔɔ

efisɛ AWURADE hu wɔn komam nneyɛe nyinaa nokwarem;

na ɔte nea wɔka nyinaa.

7Efisɛ AWURADE Honhom ahyɛ wiase nyinaa ma,

na nea okura nneɛma nyinaa no, nim nea wɔka.

8Ne saa nti Awurade hu nea, ɔka nea ɛnteɛ no,

na atemmu ba a ɛbɛka wɔn

9Ɔnam sɛ wɔbɛhwehwɛ onipabɔne nsɛm mu

na wɔn anom nsɛm ho amanneɛbɔ

bɛba AWURADE anim

na wabu wɔn fɔ wɔn bɔne ho;

10Efisɛ AWURADE wɔ nunkutwe aso na ɔte nsɛm nyinaa

na ɔte anwiinwii nso.

11Nti hwɛ yiye wɔ anwiinwii hunu ho,

na kora wo tɛkrɛma fi atosɛm ho;

esiane sɛ asumasɛm biara nni hɔ a ɛrempue,

na ano a edi atoro no sɛe onipa kra.

Nyankopɔn ammɔ Owu

12Nni abrabɔ mu mfomso mfrɛfrɛ owu,

anaa mfa wo nsaano dwuma ntwetwe ɔsɛe;

13 Hes 18.32; 33.11; 2 Es 3.7; 2 Pe 3.9 Efisɛ Nyankopɔn ammɔ owu,

na n’ani nnye ɔteasefo wu ho.

14Esiane sɛ ɔbɔɔ ade nyinaa sɛ wɔntena ase,

na mmeresanten ahonhom a

wɔwɔ wiase no di mu,

na bɔre a ɛsɛe ade nni mu;

na asaman tumi nni asase so.

15Ɔnam sɛ adetreneeyɛ bɛkyebo.

Abrabɔ no sɛnea wiasefo hu no

16 Mmb 8.36; Yes 28.15; Sir 14.12 Na amumɔyɛfo de, wɔde wɔn anom asɛm

ne wɔn nneyɛe twetwee owu bae,

wɔfaa no sɛ wɔn nnamfo,

wosii mu, twaa mu kɔe,

na wɔne no yɛɛ apam,

efisɛ wɔfata sɛ wɔne no bɔ.