Nnwom 11 - KYER?W KRONKRON（ATWDB）

AWURADE mu ahotosoWɔde ma dwonkyerɛfo. Dawid de

1 1 Sa 26.20 AWURADE na miguan metoa no,

adɛn na muse me kra sɛ:

Guan sɛ anomaa kɔ mmepɔw so.

2 Nnw 37.14; 64.3-4 Na hwɛ, abɔnefo kuntun wɔn tadua mu,

wɔde wɔn mmɛmma asi hama so,

sɛ wɔde bɛtow abɔ komam teefo, esum mu.

3Sɛ wɔsɛe nnyinaso no a,

ɔtreneeni bɛyɛ dɛn?

4 Hab 2.20; Yes 66.1; Nnw 13.1-3 AWURADE wɔ n’asɔrefi kronkron mu,

AWURADE ahengua wɔ ɔsoro,

n’ani tua nnipa mma, na n’anisuatɛtɛw kari wɔn hwɛ.

5 Nnw 5.4 AWURADE sɔ ɔtreneeni hwɛ,

na ɔbɔnefo ne nea ɔpɛ amim de,

ne kra tan no.

6 Gye 19.24 Ɔbɛma nyansrama aduru abɔnefo,

ogya ne sufre ne mframa a ɛdɛw

na ɛbɛyɛ wɔn kuruwa mu kyɛfa.

7 Nnw 33.5; 17.15 Na AWURADE yɛ ɔtreneeni, na ɔpɛ asɛntrenee,

wɔn a wɔteɛ behu n’anim.