Yudit 6 - KYER?W KRONKRON（ATWDB）

Wɔde Akior kɔma Israelfo

1Bere a basabasayɛ a nnipa a wɔwɔ Agyinatufo no ho brɛɛ ase no, Holoferne, Asiria asraafo sahene no see Akior ne Moabfo no nyinaa, wɔ asraafo ahɔhodɔm no anim sɛ:

2Na hena ne wo, Akior, ne mo Efraim asraafo apaafo, sɛ mobɛhyɛ nkɔm wɔ yɛn mu sɛnea moayɛ no nnɛ yi, sɛ mma yenntu sa wɔ Israelfo so, esiane sɛ wɔn Nyankopɔn bɛko agye wɔn? Hena na ɔyɛ Nyankopɔn ka Nebukadnesar ho?

3Ɔde ne dɔm bɛsɛe wɔn afi asase ani, na wɔn Nyankopɔn rennye wɔn. Yɛn a yɛyɛ ɔhene nkoa yi, bɛsɛe wɔn sɛ onipa baakofo. Wɔrentumi nnyina yɛn apɔnkɔso asraafo dɔm ano.

4Yebedi wɔn so nkonim, na wɔn mmepɔw no bɛnom wɔn mogya abobow, na wɔn afunu bɛhyɛ wɔn asase so ma. Wɔrentumi nnyina yɛn anim, yɛbɛsɛe wɔn pasaa. Saa na Ɔhene Nebukadnesar, asase nyinaa so tumfo no se. Efisɛ ɔno na waka, na n’anom asɛm biara renyɛ hunu da.

5Mmom wo Akior, Amonfo panyin a wode ahopopo aka saa nsɛm yi nnɛ da yi, worenhu m'anim bio fi de akosi sɛ, mɛtɔ saa nkurɔfo a wofi Misraim bae yi so were.

6Na sɛ mesan ba a m'asraafo no nkrante ne wɔn mpeaw bɛwowɔ wo mfe mu, na wobɛhwe ase, aka apirafo no ho.

7Afei, me nkoa de wo bɛsan akɔ mmepɔw so nkurow no mu akɔtena kurow no biako a akwantenpɔn no fa mu bi mu,

8na worenwu kosi sɛ wobɛka wɔn ho awu.

9Sɛ wugye di, wo komam sɛ wɔrenni wɔn so a, ɛno de nsuro. Makasa, na nea maka nyinaa bɛba mu.

10Na Holoferne see ne nkoa a wɔne no wɔ ne ntamadan mu no sɛ, wɔnkyere Akior, mfa no nkɔ Betulia nkɔhyɛ Israelfo no nsa.

11Nti nkoa no faa no de no fii nsra no mu kɔɔ petee no mu, na wofi hɔ foro kɔɔ bepɔw so kurow no mu koduu asuwa a ɛwɔ Betulia no ho.

12Bere a kurow no mu mmarima huu wɔn no, wɔbɔɔ ntoa, de mmirika foro kɔɔ bepɔw so kurow no mu, na wɔn mu abotowfo kɔɔ so totow abo hyiaa no, nti wantumi amforo amma.

13Nti wɔbɔɔ wɔn ho aguaa wɔ koko no ase no, wɔkyekyeree Akior, gyaa no too hɔ, na wɔsan kɔɔ wɔn wura nkyɛn.

14Na Israelfo sian fii wɔn nkurow no mu behuu no no; wosan no na wɔde no baa Betulia, na wɔde no kɔɔ kurow no mu atemmufo no anim.

15Saa nna no mu no na wone Usia, Mika ba a ofi Simeon abusua mu, na wɔn ne Kabris, Gotoniel ba no, ne Karmis, Melkiel ba no.

16Wɔfrɛfrɛɛ kurow no mu mpanyimfo no boaa ano, na wɔn mmerante ne wɔn mmabaa no nyinaa tutuu mmirika kɔɔ nhyiam no ase; na wɔde Akior gyinaa wɔn nkurɔfo no nyinaa anim, na Ussia bisaa no nea esii.

17Obuae, na ɔkaa nea esii wɔ Holoferne ne n’apamfo nhyiam no ase kyerɛɛ wɔn, ne nea ɔkae wɔ Asiria mpanyimfo no anim, ne nea Holoferne nso kaa no ahantan so de tiaa Israel fi nyinaa.

18Na nnipa no butubutuw fam som Nyankopɔn, na wɔteɛteɛɛm sɛ:

19O, Awurade Nyankopɔn a wowɔ soro, hwɛ wɔn ahantan, na nya ayamhyehye ma wo nkurɔfo ne wɔn ahobrɛase ho, na nnɛ da yi, hwɛ wo nkurɔfo a wɔatew wɔn ho asi hɔ ama wo no anim.

20Na wɔkaa Akior koma too ne yam na wɔkamfoo no pii.

21Na Usia faa no de no kɔɔ n'ankasa ne fi, na ɔtoo mpanyimfo no pon; na anadwo mu no nyinaa wosu frɛɛ Israel Nyankopɔn sɛ ɔnyɛ wɔn mmoa.