1Chaypi yapa licalcuśhäćhümi isquirbishaca pitwïshaćhu päliyäta licäñá.
2Chayćhümi anjilca: “¿Imactam licayanqui?” niman.
Nimaptinmi: “Isquirbishaca pitwïshaćhu päliyätam licayá. Largunmanmi ćhunca mitruyu, anchunmanñatac picha mitruyu caña” nilá.
3Niptïmi niman: “Jinantin pachäman mana allin camachishaca ćhänanpämá chay pitwïshaćhu isquirbïsha cayan. Chay pitwïshap jucnin lädunćhu nishannümari mayanpis suwacücá camacaycüśha canꞌa. Chaynütacmi pitwïshap juccä lädunćhu nishanmannu yanꞌal limalicücäpis camacaycüśha canꞌa.
4Sumä munayniyu Tayta Diosmi nin: ‘Cay mućhuchicuycätamá suwacücunäpa, śhutïta śhaycaycachil yanꞌal limalicücunäpa wasinman ćhaycachishä. Chayćhu tacyayculmi iluncunactapis, lumincunactapis lluy camacaycülunꞌa’ ” nil.
Tupunapä cä pirulcäćhu walmi cayätam lican5Chaypïta anjilca aśhuycamalmi niman: “Canan má licalcuy ima yalamuśhantapis” nil.
6Nimaptinmi: “¿Imam chay?” nilá. Niptïmi: “Tupuna jatun pirul cäcämi. Jinantin pachäćhu nunacunäpa juchancunacta tupunapämari chay cayan” niman.
7Chay tupunam plümupi täpayu caña. Chay täpanta pallalcüluptinmi tupunap ćhawpinćhu juc walmi täcuyäña.
8Chayćhümi anjilca niman: “Cay walmim mana allinca” nil. Nilculmi chay tupuna luliman walmicta tanꞌalpuycülun. Jinalculmi plümupi cä täpanwan wićhaycülun.
9Chaypi yapa licalcuśhäćhümi cundurpa laplannu laplayu ishcay walmicta licälú. Paycunacta waywaca pallalcuptinmi chay tupunapä cä pirulcäta altunllanpa apayalcäña.
10Chayćhümi anjilcäta nilá: “¿Maymanmi chay tupucucta apayalcan?” nil.
11Niptïmi: “Babiloniamanmi apayalcan; chayćhümi alawana wasinta lulaycapäcunꞌa. Listuña cayaptinꞌa ćhulanancämanmá ćhulaycapäcunꞌa” niman.
Who We AreWhat We EelieveWhat We Do
2025 by iamachristian.org,Inc All rights reserved.
