2 Reyes 8 - Old Testament Quechua Wanca（QVW）

Sunem lädu walmictam lluy cänincunacta cutiycachin

1Má, chay cawsachimuśhan uchuy-uchuyllactam lulälunqui, patayu walmicunätapis patancunactam lluy lliquïlunqui” nin.

13Niptinmi Hazael: “Allꞌunülla cä nunallayqui ¿imanuypatá chaynu-chaynütalä lulälläman?” nin.

Niptinmi Eliseo nin: “Siria nasyunpa mandacünin canayquipämi Tayta Dios licaycachiman” nil.

14Chaypïta Hazael cuticulmi mandacüninman lila. Chayćhümi mandacüca nin: “¿Imanishunquim Eliseo?” nil.

Niptinmi Hazael: “Allinyanꞌam, nimanmi” nin.

15Chay walantinñatacmi yacuman jirgacta chapuycul mandacünin Ben-adadpa cäranman chapälun awnanancama. Chaynüpam Hazael pudirninña mandacü cala.

Juda lädućhu Jorammi mandacun 2Cro 21.1-20

16Canan má, Acabpa chulin Joram Israel lädućhu picha wataña mandacuyaptinmi Josafatpa chulin Joram Juda lädućhu mandacuyta allaycula.

17Quimsa ćhunca ishcayniyu (32) watanta liyalmi mandacuyta allaycula. Pusä watamari Jerusalenpi Joram mandacula.

18Ñatac payꞌa Israelpa mandacünincuna lulapäcuśhannu, jinaman Acab ayllu mana allin lulapäcuśhannümari lulala. Acabpa jucnin wamla chulinwan casaracülulmari Tayta Diospa ñawquin mana allincunallacta lulala.

19Chaynu cayaptinpis nunan David-laycum Juda läducta nï camacaycülachu. Paytamari limalicula: “Lluy milayniquipis wiñaypämi acchipäcunꞌa” nil.

20Canan má, Joram mandacuyaptinmi Edom läducunaca JudaGen 27.40. lädup cuntran śhalcacalcälil quiquinpa mandacüninta ćhulacälälin.

21Chaymi Joram pilyananpä cä lluy carritancunawan Zair läduman licun. Chayćhümi pilyänincunap puydïnincunawan chay tuta śhalcacalcälil, cunćhacaycälil Edom nunacunäta camacaycuyta allacaycälin. Jorampa pilyänincunañatacmi chucllanman-cama lluy ayiculcan.

22Chaypunpïmi Edom läducunaca Juda lädup cuntran canancama cayalcan. Chay timputacmi Libna malcapis Juda lädup cuntran cala.

23Ñatac Jorampa mandacuyninćhu lluy lulaśhancuna Juda lädu mandacünincunap isquirbishan librunćhümari cayan.

24Pay wañucuptinmi awquilluncuna pampaläśhan Davidpa Malcan nishanman pampälälila. Paypa pudirnin chulin Ocoziasmi mandacü cala.

Juda lädućhu Ocoziasmi mandacun 2Cro 22.1-6

25Canan má, Acabpa chulin Joram ćhunca ishcayniyu (12) wataña Israel lädućhu mandacü cayaptinmi Jorampa chulin Ocozias Juda lädućhu mandacuyta allaycula.

26Ishcay ćhunca ishcayniyu (22) watanta liyalmi mandacuyta allaycula. Paymi juc watalla Jerusalenpïta mandacula. Mamanñatacmi Israel lädup mandacünin Omrip wamla chulin Atalia cala.

27Cay Ocoziasmi Acabpa maśhan cayninwan paycunap mana allin lulaynincunacta atichila. Chaynüpam Tayta Diospa ñawpäninćhu mana allincunallacta lulala.

28Acabpa chulin Joramwanmi Ocozias lipäcula Galaad lädu Ramot malcaman. Chayćhümi Sirio läducunap mandacünin Hazaelwan pilyapämunan cala. Ñatac chayćhu Sirio läducunämi Joramta supayapächila.

29Chaymi mandacü Joram, Jezreel malcaman cuticula Sirio läducuna Ramotćhu cä mandacünin Hazael supayapachishan dañäduncunacta jampichicü. Chaynu Jezreelćhu Acabpa chulin Joram ishyayaptinmi Jorampa chulin Ocozias watucuycü lila. Paymari Juda lädup mandacünin cala.