1Chayćhümi uyalïlú: “Wañucülla nuna, śhalcuy. Yaꞌami niycuśhayqui” niyämäta.
2Chaynu niyämaptinmi Ispiritu yaꞌaćhu licalilcul śhalcächiman. Chayćhümi limapämäśhanta uyalïlú.
3Caynümi niman: “Wañucülla nuna, Israel läducunämanmi caćhaśhayqui. Paycuna pasaypi cullu linli-cama, cuntrá śhalcü malcamá. Paycuna awquilluncunanümi canancamapis cuntrá śhalcüśha cayalcan.
4Chayurá pasaypi cullu linli, ćhanćha umacunämanmi caćhayac. Paycunamanmari yaꞌa Tayta Dios nishäta niycamunqui.
5Ichaläpis uyalipäcuśhunquiman. Pasaypi cullu linli-cama cayalcal mana uyaliculcaptinꞌa yaćhapäcunꞌañam yaꞌapïta juc willacü paycunaćhu caśhanta.
6Ñatac am, wañucülla nuna, amamá manchacunquichu paycunacta nï ima nishuśhayquicunactapis. Masqui jaćhacunap, caśhacunap ćhawpinćhu cayalpis, ćhupa apaläcucunap ćhawpinćhu cayalpis amamá paycunacta nï limaśhancunactapis manchacunquichu. Yaćhaśhayquinüpis paycuna pasaypi cullu linli-camamá.
7Uyaliculcänan mana uyaliculcänan captinpis nishäcäta pasaypi cullu linlicunäman willacuynïta willaycamunquimá.
8Chayurá am, wañucülla nuna, cay nishäta tuquicta uyalimay. Chay cullu linli nunacunänuꞌa amari cayaychu. Cay micuy uycuśhäta shimiquita quićhaycul micuy” nil.
9Nimaptin chayćhu licalcunäpämi pitwïsha libructa juc maqui yaꞌaman chacchaycayämuña.
10Chayćhu licayaptïmi chay pitwïsha libructa quićhäluptin pulan lädunćhu isquirbïsha caña:Zac 5.1-4; Apo 5.1. aya taquicuna, waꞌacuycuna, jinaman ñacaycunapïpis.
Who We AreWhat We EelieveWhat We Do
2025 by iamachristian.org,Inc All rights reserved.
