1 Cronicas 6 - Old Testament Quechua Wanca（QVW）

Levi ayllućhu sasirdüticuna

1Levi ayllup chulincunam: Gerson, Coat, Meraripis.

2Coatpa chulincunañatacmi: Amram, Izhar, Hebron, Uzielpis.

3Amrampa chulincunañatacmi: Aaron, Moises, Mariapis.

Aaronpa chulincunañatacmi: Nadab, Abiu, Eleazar, Itamarpis.

4Eleazarpa chulinñatacmi Finees, Fineespañatac Abisua,

5Abisuapañatac Buqui, Buquipañatac Uzi,

6Uzipañatac Zeraias,

Zeraiaspañatac Meraiot,

7Meraiotpañatac Amarias,

Amariaspañatac Ahitob,

8Ahitobpañatac Sadoc,

Sadocpañatac Ahimaas,

9Ahimaaspañatac Azarias,

Azariaspañatac Johanan,

10Johananpañatacmi Azarias. Azariasꞌa Jerusalen malcaćhu Salomon lulachishan alawana wasićhu puydï sasirdütim cala.

11Azariaspa chulinñatacmi Amarias,

Amariaspañatacmi Ahitob,

12Ahitobpañatac Sadoc,

Sadocpañatac Salum,

13Salumpañatac Hilcias,

Hilciaspañatac Azarias,

14Azariaspañatac Seraias,

Seraiaspañatacmi Josadac.

15Ñatac Judatawan Jerusalenta Tayta Dios Nabucodonosorwan prïsu puśhachishanćhümi Josadacpis puśhaśha cala.

Levipa milaynincuna

16Levipa chulincunam: Gerson, Coat, Meraripis.

17Gersonpañatacmi Libniwan Simei.

18Coatpañatacmi: Amram, Izhar, Hebron, Uzielpis.

19Meraripñatacmi Mahliwan Musi. Lluy paycunamari Levipa milaynincuna cala.

20Gersonpa chulincunañatacmi: Libni, Jahat, Zima,

21Joa, Iddo, Zera, Jeatraipis.

22Coatpañatacmi: Aminadab, Core, Asir,

23Elcana, Ebiasaf, Asir,

24Tahat, Uriel, Uzias, Saulpis.

25Elcanap chulincunañatacmi Amasaiwan Ahimot.

26Ahimotpañatacmi: Elcana, Zofai, Nahat,

27Eliab, Jeroham, Elcanapis.

28Samuelpañatacmi: wamä chulin Vasni, jinaman Abias cala.

29Merarip chulincunañatacmi: Mahli, Libni, Simei, Uza,

30Simea, Haguia, Asaiaspis.

Alawana wasićhu taquïcuna

31Má, Tayta Diospa babulnin Jerusalenman apaśha captinmi chay carpaćhu taquipäcunanpä taquïcunacta David ćhulala.

32Paycunamari tincuna carpap ñawpäninćhu taquipäcula. Chaynüllam lulaycapäcula Tayta Diospa alawana wasinta Jerusalenćhu Salomon śhalcachinancama. Chaypïta chay alawana wasićhüpis chay custumrinmannümi jinalla alawapäcula.

33Taquïcunaca chulincunawan-cama caycunam capäcula:

Coatpa milayninpïta cä Heman. Hemanmi Joelpa chulin, Joelñatacmi Samuelpa,

34Samuelñatac Elcanap, Elcanañatac Jerohampa, Jerohamñatac Elielpa, Elielñatac Toap,

35Toapñatac Zufpa, Zufñatac Elcanap, Elcanañatac Mahatpa, Mahatñatac Amasaipa,

36Amasaiñatac Elcanap, Elcanañatac Joelpa, Joelñatac Azariaspa, Azariañatac Sofoniaspa,

37Sofoniasñatac Tahatpa, Tahatñatac Asirpa, Asirñatac Ebiasafpa, Ebiasafñatac Corepa,

38Coreñatac Izharpa, Izharñatac Coatpa, Coatñatac Levipa, Leviñatacmi Israelpa chulin cala.

39Hemanpa allï lädunćhu wawꞌi-caśhan Asafmi alawä cala. Asafmi Berequiaspa chulin cala, Berequiasñatac Simeapa,

40Simeañatac Micaelpa, Micaelñatac Baasiaspa, Baasiasñatac Malquiaspa,

41Malquiasñatac Etnipa, Etniñatac Zerapa, Zerañatac Adaiapa,

42Adaiañatac Etanpa, Etanñatac Zimapa, Zimañatac Simeipa,

43Simeiñatac Jahatpa, Jahatñatac Gersonpa, Gersonñatacmi Levipa chulin cala.

44Hemanpa ichü lädunćhüñatacmi alawala Merarip milayninpi cä wawꞌi-caśhan Etan. Etanmi Quisip chulin cala, Quisiñatac Abdipa, Abdiñatac Malucpa,

45Malucñatac Hasabiaspa, Hasabiasñatac Amasiaspa, Amasiasñatac Hilciaspa,

46Hilciasñatac Amsipa, Amsiñatac Banipa, Baniñatac Semerpa,

47Semerñatac Mahlipa, Mahliñatac Musipa, Musiñatac Meraripa, Merariñatacmi Levipa chulin cala.

48Levipa waquin milaynincunañatacmi Tayta Diospa carpanćhu ima lulaycunapis cäcunäta lulapäcunanpä ćhulaśha capäcula.

49Aaronñatacmi chulincunawan malcaca uycapäcuśhanta cañaycapäcula uycuna patacćhu, jinaman insinsu cañaycunapä cäcunäćhüpis. Chaynütac Tayta Diospa nunan Moises camachishanmannümi Sumä Chuya Sityućhu lulananpä cäcunätapis lulaycapäcula. Jinaman israelcunäpa juchancunacta pampachaycachinanpäpis uycümi capäcula.

50Aaronpa milaynincunañatacmi cala: Eleazar, Finees, Abisua,

51Buqui, Uzi, Zeraias,

52Meraiot, Amarias, Ahitob,

53Sadoc, Ahimaaspis.

Levitacunäpa malcancuna Jos 21.1-42

54Caycunam Aaronpa milaynincunap yaćhaśhan malcancuna, jinaman allpancunap culindancunapis. Chüsaśhanmannümi Coat aylluman tücala:

55Judaćhu cä Hebron malca muyülïninćhu ichadïruntin.

56Jefonepa chulin Calebtañatacmi Hebron malcap ćhaclancunawan tacsha malcachancuna tücala.

57Chaynütacmi Aaronpa milaynincuna pacaculcänanpä Hebron malcacta uycula. Jinaman uyculatacmi Libna, Jatir, Estemoa malcacunactapis ichadïruntin-camacta.

58Chaynütac Hilen, Debir,

59Asan, Bet-semes malcacunactapis ichadïruntin-camacta uycula.

60Benjamin lädućhüñatacmi uycula: Geba, Alemet, Anatot malcacunacta ichadïruntin-camacta. Chayurá aycam capäcuśhanmannümi ćhunca quimsayu (13) ayllucunacta uycula.

61Coatpa parti milaynincunamanmi tücala: ćhunca malcacuna, Manases ćhawpi ayllućhu.

62Gersonpa milaynincunamanñatacmi aycam capäcuśhanmannu ćhunca quimsayu malcacuna tücala Isacar, Aser, Neftali ayllucunaćhu, jinaman Basanćhu cä Manases ayllucuna caśhanćhüpis.

63Meraripa milaynincunamanñatacmi aycam capäcuśhanmannu ćhunca ishcayniyu malcacuna tücala Ruben, Gad, Zabulon ayllucuna caśhancäćhu.

64Chaynüpam Israel caśhtacunaca levitacunäman malcacunacta ichadïruntinta-camacta uycapäcula.

65Chay malcacunacta chüsayculmari tücachila Juda, Simeon, Benjamin ayllu caśhancunaćhu.

66Coatpa parti milaynincunamanñatacmi tücala, Efrain ayllu caśhanćhu malcaca ichadïruntin-cama.

67Jinaman Efrain ayllup ulꞌuncunaćhu cä Shiquem malcapis ichadïruntinmi paycunaman tücala. Chaynütacmi Gezer,

68Jocmeam, Bet-horon,

69Ajalon, Gat-rimon malcacunapis ichadïruntin-cama tücala.

70Coatpa waquin milaynincunamanñatacmi Manases ćhawpi ayllućhu cä Aner, Bileam malcacuna ichadïruntinta-cama tücala.

71Gersonpa chulincunamanñatacmi tücala: Golan, Astarot malcacuna ichadïruntin-cama. Chay malcacunaca Manases ćhawpi ayllu caśhan Basan lädućhümi cala.

72Jinaman Isacar ayllućhu cä Cedes, Daberat,

73Ramot, Anem malcacunapis ichadïruntin-camam tücala.

74Chaynütacmi Aser ayllućhu cä Masal, Abdon,

75Hucoc, Rehob malcacunapis ichadïruntin-cama tücala.

76Jinaman Neftali ayllućhu cä Galilea lädu Cedes malcapis, Hamon, Quiriataim malcacunapis ichadïruntin-camamá tücala.

77Merarip waquin milaynincunamanñatacmi tücala: Zabulon ayllućhu cä Rimon, Tabor malcacuna ichadïruntin-cama.

78Jinaman Jordan mayup inti ishpimunan lädućhu cä, chaynütac Jerico malcap chimpanćhu cä Ruben ayllućhüñatacmi, ichadïruntinta-cama tücala chunyä lädu Beser malca, Jaza,

79Cademot, Mefaat malcacunapis.

80Jinaman Gad ayllućhüñatac tücala Galaad lädu Ramot, Mahanaim,

81Hesbon, Jazer malcacuna ichadïruntin-cama.