1Allin nunaca wañucuptin mayantapis manamá imapis ucunchu.
Allincämannu cawsä nunaca chincacuptin
mayanpis manamá tantianchu
ñacaycunapïta libraycuśhaña caśhanta.
2Tayta Diospa munayninmannu pulïcunaca
jawca wañuytam talipäcun;
sipultüraćhüpis jawcañamá jamaculcan.
Taytachacunacta alawäcunätam cäraycun3Tayta Diosmi nin:
“Am rüjacunap chulincuna,
waticacunap, mansibäducunap
milaynincuna caymanꞌari aśhuycälimuy.
4Amcuna, ¿mayanpïtamá burlaculcanqui?
¿Mayantamá shimiquita jatuntalä äśhaculcul cutipaculanqui?
¿Mayantamá allupapäcunqui?
Amcuna, ¿manachun pasaypi cullu linli chulicuna capäcunqui imatá?
¿Manachun artishcunap milaynincuna capäcunqui imatá?
5¿Manachun pallaysapa encina lantacunäpa
lulincunaćhu aychayquip munaynincunacta lulapäcunqui imatá?
¿Manachun mayu patancunaćhu,
aꞌacunäpa quićhaläśhancunaćhu
taytachayquicunaman chuliquicunacta cañaywan uyculanqui imatá?
6Amcuna ¿manachun pampacunäćhu cä
lluclluśh lumicunäta alawayalcanqui imamá?
Paycunaman ¿manachun jillpuywan uycunacunacta,
ćhacla micuycunacta uycuyalcanqui imatá?
¿Chaynu lulayalcaptiquichun mana mućhuycachillal
jawca cayäman imamá?
7Altu ulꞌup puntanmanmá cämayquitapis
waticacunayquipä ćhulayculanqui;
chay ulꞌucunämanmi uycunayquita
pägaycüpis ishpilanqui.
8Wasi puncuyquip ipancunamanpis
taytachayquicunacta ćhulaycapäculanquimá.
Yaꞌacta ipanchaycamalmi calaculcul jatun
cämayquićhu jucwan caculanqui;
jinal paycunawanmi limalinaculcälanqui.
Mayćhu licälulpis paywan juchapacuytamá wañupaculanqui.
9“Taytacha Molocman asayti ulïbusta,
achca pirfümicta apaculculmá lipäculanqui.
Calu calucunamanlämá caćhanaculcälanqui;
aśhta sipultüra caśhancämanlämá
ashiyniquiwan jiꞌalpapäculanquipis.
10Ancha-anchap puliyniquićhu pishipälulpis
manamá ‘caycamallañam’ nilanquichu.
Aśhwanpam caśhan callpanchacul
mana jucmanyällal ashiyculanqui.
11“¿Mayanta manchaculmá yaꞌacta artipämälanqui?
¿Mayanta allinpä licalmá yaꞌacta unꞌämanqui?
¿Unayña mana limapal upälla cayaptïchun
mana cäpäña licämanqui imamá?
¿Imaypis manachun manchacamälanqui imatá?
12Chay allinnu cä lulayniquitawan
cawsayniquita yaꞌami camalaycachishä.
Chay lulayniquicuna imapäpis manamá sirbishunquichu.
13Yanapaycuśhunayquipä ayacuptiqui
chay taytachayquicuna manamá salbaycuśhunquichu.
Paycunacta waywämá lluy apacunꞌa;
pücaycuyllawanmi camacaycüśha lluy capäcunꞌa.
Yaꞌaman chalapacamäcunäñatacmi ichá
tücäninpä allpäta ćhasquiycälinꞌa;
japächäśhá chuya ulꞌüćhümi yaćhapäcunꞌapis” nil.
Wanacücunätam llaquipaycun14Tayta Diosmi nin:
“¡Caminucta allichapäcuy, allichapäcuy!
¡Malcá mana mitcacacunanpä caminućhu
imapis cäcunäta wicapapäcuy!” nil.
15Awari, sumä jatun munayniyucämi, wiña-wiñaypä cawsäcämi,
Chuya Tayta Diosmi caynu nin:
“Sumä cä altunninćhu,
chuya caśhancäćhümi yaꞌa yaćhaycú.
Mana nunatucullal wanacücäwanmari yaꞌa cawsaycú;
caynu caycú mana nunatucücunäta callpanchaycunäpämi;
llaquićhu cäcunäpa śhunꞌunta achicyaycachinäpämi.
16Malcäta manamá wiñaypächu cäraycuyäśhä,
lluy timpuchu paypá manam piñäśhachu cayäśhä.
Chaynu cayaptiꞌa lluy lulaśhá nunacunäćha,
cawsayniyücunäćha ñawpänïćhu anćhanpälälinman.
17Malcäpa mana allin wañupacuyninpïta
piñäcülulmari mućhuycachilá;
rabyacuynïćhümari pacacuyculá.
Paycunañatacmi cullu linlicaycälil
śhunꞌun munaśhanwan apachiculcäla.
18Imanuy cawsapäcuśhantapis licalämi.
Chaynu cayalcaptinpis allinyaycachilmi michiycuśhä.
Paycunactapis, llaquisha cäcunätapis cunsuylaycuśhämi.
19Lluytamá caynu willacachisha: ‘Calućhu cäcunäpis,
sircaćhu cäcunäpis jawca cawsayćhu caycuchun’ nil.
Yaꞌa Tayta Diosmari allinyaycachishä.
20“Mana allin nunacunäñatacmi ichá
yacucta sumä mächimü lamarcänu cayalcan;
jawcalla cayta manamá atipapäcunchu.
Chay yacuncunam mituctawan anlacunacta mächimun.
21Chaynümá mana allin nunacunäpä jawca cawsay nï canchu” nil.
Tayta Diosmi chaynu nin.
Who We AreWhat We EelieveWhat We Do
2025 by iamachristian.org,Inc All rights reserved.
