Levitico 19 - Old Testament Quechua Wanca（QVW）

Allincunällacta tincüninman lulaycälinanpämi nin

1Chaypïtam Moisesta Tayta Dios nin:

2“Lluy Israel caśhtacunäta cayta niycuy: Yaꞌa Tayta Diosniqui chuya caśhä-laycu amcunapis chuya caycäliy.

3“Mamayquita taytayquita manchacuywan licaycälinqui.

“Jamana muyuncäćhüpis jamapäcunquim. Yaꞌamari Tayta Diosniqui cayá.

4“Ama taytachacunäman cutiyalcaychu nïtac jïrrupi taytachacunacta lulacuyalcaychu.

11“Amatac suwaculcaychu,

12“Amatac śhutïta tistigupä śhaycaycachil limaliculcäśhayquiwan

20“Sïchuśh juc nuna puñülunꞌa cuscananpäña limalinacüśha uyway wamlawan, chay uyway wamla manalä lantisha ütac manalä libri cayaptinꞌa, pulanmi mućhuycachisha canꞌa. Ñatac chay uyway wamla manalä libri caśhanpam pulanpis mana wañuchishachu capäcunꞌa.

21Chay umri mana allin lulaśhanpïtam juc ulu uwishta Tayta Diosman uycunꞌa. Chayta tincuna carpap puncunmanmi apaycunꞌa.

22Chay mana allinninpi uycuśhan ulu uwishcätam sasirdütica Tayta Diosman uycunꞌa. Chaynüpam chay umrip juchan chuyanchaycuśha caycunꞌa.

23“Chaynütac chay malcaman yaycälälil micuna lantacunacta lantapäcul quimsa watalämi wayuynincunacta anlapä licapäcunqui. Chay watacuna amam wayuyninta micapäcunquichu.

24Tawa watäćhülämi Tayta Diosta alawayniquiwan chay lantaśhayquip wayuynincunacta japächaycälinqui.

25Pichayänan watäćhüñatacmi lantap lluy wayuynincunacta micapäcunquiña. Chaynu lulaycäliptiquim wayuynincuna allicta wayuycunꞌa. Yaꞌamari Tayta Diosniqui cayá.

26“Amam imactapis yawarniyütá micunquichu.

“Amatac licacuycunactá lulayalcaychu nïtac śhamü timpucunäćhu ima pasanancunapïtapis niyalcaychu.

27“Amatac ächayquip muyülïninta lutucuyalcaychu, nïtac śhaplayquip puntantapis cuchucuyalcaychu.

28“Amatac wañücuna-laycu aychayquicunaćhu cuchucuyalcaychu; amatac mana chincäcunactá aychayquićhu lulachicuyalcaychu.

31“Amatac licacücunäman rüjacunäman liyalcaychu.Deut 18.11; 1Sam 28.3; 2Rey 23.4; Isa 8.19. Chaycunawan licachicuyalcalꞌa anlamanmi muyülälinqui. Yaꞌamari Tayta Diosniqui cayá.

32“Yaśhaćhu ütac mayurniquićhu cayal śhaycalcälil rispïtuwan licaycuy. Caywanꞌa Tayta Diosniquitam manchacuywan licaycuyanqui. Yaꞌamari Tayta Diosniqui cayá.

33“Amcunaćhu mana Israel caśhta tacyäluptin ama usuchipäcuychu.

34Aśhwanpa quiquiquipa caśhtayquitanu licaycäliy; quiquiquitanuꞌari cuyaycäliy, amcunapis Egiptoćhu mana lisishamari capäculanqui.Exo 22.21; Deut 24.17-18; 27.19. Yaꞌamari Tayta Diosniqui cayá.

35“Chaynütac imactapis allichanaculcalꞌa ama ingañacuyalcaychu tupucta, quïlucta, litructapis; imam cäcällactam unaculcanqui.

36Chaymi balansayquicuna, tupucuyquicuna tincüllanćhu cabal caycunan.Deut 25.13-16; Prov 20.10; Eze 45.10; Amos 8.5; Miq 6.11. Yaꞌamari Egiptopi julamüniqui Tayta Diosniqui cayá.

37“Chayurá lluy camachicuynïmannümi, yaćhachicuynïmannümi cawsaycälinqui; lulaymanmari ćhulaycälinqui. Yaꞌamari Tayta Diosniqui cayá” nil.