1“Mayan umripis walminwanña casaracüśha cayal ima mana allinllactapis walminćhu talïlulꞌa laquinacuy papilta lulanacuyculmi wasinpïta alülunꞌa.
8“Sïchuśh lipra ishyaywan cayalꞌa Levi ayllu sasirdüticunaca lluy nishancunätam lulapäcunqui. Paycuna camachishallanmannümi liprayücunäwan lulaycälinqui. imacta lulaycuśhantapis yalpapäcuyꞌari.
10“Malca-masiquita imactapis mañapäculꞌa śhaycachishancäta ütac imantapis wasinpïta ama chalapäcuychu.
11Aśhwanpa waśhallaćhu alcaycuptiqui śhaycachishancäta quiquin maquinwan uycuśhunqui.
12Sïchuśh mänunpi chusinta chalaycachishuśhayqui nunaca waccha captinꞌa walantincama ama chalacaycapuychu.
13Aśhwanpa inti manaläpis jiꞌalpuptinmi cutiycachipunqui tutanpa chaywan puñunanpä. Chaynüpaćh pay allinpä licaycul sulpäta ucuśhunqui, jinaman Tayta Diosniquipä munaśhanmannu allincäta lulaycunquipis.
14“Chaynütacmi waccha ütac pishipacüśha lulapacücäta ama usuchipäcunquichu, masqui malca-masiqui captinpis ütac amcunaćhu yaćhä juc caśhta captinpis.
15Aśhwanpa waccha calmi cawsananpä nisitaptin intica manalä jiꞌalpuśhancama lulapacuśhanpïta muyun-muyun uycunayqui. Chaynu mana lulaptiquiꞌa Tayta Diosta pay mañacuptinmi juchayüña licalïlälinqui.
16“Manamá chulicunäpa juchanpïta taytacunaca wañunmanchu; nïtac taytacunäpa juchanpïtapis chulicunaca wañupäcunmanchu. Juchanpïta-camam quiquincuna wañupäcunꞌa.
17“Juc lädu caśhtacunätapis, mana taytayu mamayücunätapis amam jalutacapäcunquichu; japanyäśha walmip müdanancunactapis amamá chalacuycunquichu.
18Yalpapäcuyꞌari Egiptoćhu uyway nuna cayalcaptiqui quiquin Tayta Diosniqui juluycapäcuśhuśhayquita. Chaymari niycälic cällanman lluywan lulaycälinayquipä.
19“Sïchuśh cusichayquita lutuyal juc apticta unꞌalulꞌa chayman amaña cutiyaychu. Aśhwanpa juc caśhtacunäpä, mana taytayu mamayücunäpä, japanyäśhacunäpä caćhaycapuy. Chaymi Tayta Diosniqui ima lulayniquićhüpis allinpä licaycälishunqui.
20“Ulïbus lantayquita cusichayalpis amaña cutipayaychu. Quïdäca juc caśhtacunäpä, mana taytayu-mamayücunäpä, japanyäśhacunäpäña cachun.
21“Chaynütac üba lantayquicunactapis cusichayal amañam cutipayanquiñachu. Quïdäca juc caśhtacunäpä, mana taytayu mamayücunäpä, japanyäśhacunäpäña cachun.Lev 19.9-10; 23.22.
22Yalpapäcuyꞌari Egiptoćhu uyway nuna capäcuśhayquita. Chaymi niycälic cällanman lluywan lulaycälinayquipä.
Who We AreWhat We EelieveWhat We Do
2025 by iamachristian.org,Inc All rights reserved.
