1Sïlüćhümi diostucücunap juntunacuyninćhu Tayta Dios śhäcuyan.
Paycunap ćhawpinćhümi paycunacta Tayta Dios cäraycuyan:
2“¿Imaycamatá mana tincüninman cäraycuyalcanqui?
¿Imaycamamá mana allin nunacunäman śhalcuyalcanqui? Selah
3Mana pïllanpis cäniyücunätawan mana taytayu-mamayücunäta śhalcapäcuy.
Ñacäcunätawan imallanpis mana cäniyücäta allinpä licaycapäcuy.
4Llaquisha cäcunätawan pishipacuyćhu cäcunäta libraycäliy.
Mana allin nunacunäpa maquinpïta salbaycäliy.
5“Amcuna mana yaćhapäcul, mana tantiapäculmá
tutapäcäćhu puliyalcanqui.
Chaymá cay pachäpa simintuncunapis śhaśhacuyan.
6“ ‘Amcuna dioscunam cayalcanqui nipäculacmi’.
‘Janay pacha Taytap chulincunam lluy cayalcanqui’ nipäculacmá.
7Ñatac chaynu cayalcalpis lluy nunacunänümá supayapälälinqui.
Puydïcuna wañuśhannüllamá chincälälinqui” nil.
8Canan, Tayta Diosnillay, cay jinantin pachäta cäraycunayquipä śhalcuyñari.
Jinantin pachäćhu nasyuncunaca maquillayquićhümá cayalcan.
Who We AreWhat We EelieveWhat We Do
2025 by iamachristian.org,Inc All rights reserved.
