1Tayta Diosta alawapäcuy.
Sïlucunäpi Tayta Diosta alawapäcuy.
Altucunaćhu cäcuna alawapäcuy.
2Lluy anjilnincuna alawapäcuy.
Awari, lluy pilyänincuna alawapäcuy.
3Am intïpis quilläpis alawapäcuy.
Lluy chipyayä uyllurcunäpis alawapäcuy.
4Am quiquin janay pachäpis alawaycuy.
Sïlup jananćhu cä yacucunäpis alawapäcuy.
5Amcunari Tayta Diospa śhutinta alawapäcuy.
Pay niycuptinmá lluy imapis lulaycuśha cala.
6Lluy lulaśhancunäta wiña-wiñaypämá tacyaycachila.
Cay camachicuy camachishanca lulaycuśhamá canꞌa.
7Cay allpäćhu cäcuna Tayta Diosta alawapäcuy.
Lamarćhu cä jatućhaćha manchanaśh cawsäcuna alawapäcuy.
Lamarpa luli-lulinćhu cäcuna alawapäcuy.
8Räyucuna, luntucuna, laśhtacuna, pucutaycuna alawapäcuy.
Lücu waywacuna Tayta Dios camachishanta lulaycapäcuy.
9Sumä ulꞌucuna, uchuchä ulꞌucuna, wayuyniyu jaćhacuna,
cedro lantacuna alawapäcuy.
10Chucaru uywacuna, mansu uywacuna,
lluy pälïcuna, śhullwaypa pulï tacsha culucuna alawapäcuy.
11Cay allpäćhu mandacücuna, lluy malcacuna,
puydïcuna, malcaćhu-cama cäraycücunäpis alawapäcuy.
12Müsucuna, lasaccuna, awquishcuna,
uchuchäcunäpis alawapäcuy.
13 Tayta Diospa śhutintari lluy alawapäcuy.
Paypa śhutillanmá altuman juluycuśha.
Paypa sumä caynin cay allpäpïpis sïlucunäpïpis mas-maslämá.
14Paymá callpanchaycula alawänin malcanta,
alawänin Israelcunäta,
śhunꞌunpa sircanćhu cä nunacunäta.
¡Tayta Diosta alawapäcuy!
Who We AreWhat We EelieveWhat We Do
2025 by iamachristian.org,Inc All rights reserved.
