1Sulpä cachun Tayta Diosllay,
sulpä callächun, śhutiqui lädulläćhümá cayan,
sumä lulayniquicunapïmá lluy limapäcun.
2Tayta Diosmá nin: “Unanchaycuśhá
muyuncäćhümi tincüllanman-cama cäraycuśhä.
3Cay allpaca lluy cawsäcunäwan śhaśhaptinpis
simintunta yaꞌami tacyaycachí” nil. Selah
4Nunatucücunätañatacmi: “Ama nunatuculcaychu” nin.
Mana allin nunacunätañatacmi: “Ama jatunchaculcaychu.
5Callpayquipïta ama äśhaycaćhayalcaychu;
nuna-nunallaña ama limayalcaychu” nin.
6Alawaycuśha cayca manamá
inti yalamunanpïchu nï inti jiꞌalpunanpïchu nï chunyäcäpïchu śhamun.
7Sinuꞌa Tayta Diosllam,
waquinninta uyshulächin,
juccunactañatac altuman juluycun.
Paytacmari cäraycücäpis cayan.
8 Tayta Diospa piñacuynin bäsu juntañamá,
puꞌuśha bïnuntin cayan.
Chay piñacuyninta jićhaycüluptinmá
jinantin pachächu mana allin nunacunaca
aśhta anla-anlantinta lluy-lluy upyapäcunꞌa.
9Yaꞌañatacmi ichá imaypis willacuśhä.
Jacobpa Tayta Diosnintamá alawaśhä.
10Paymi mana allincunäpa nunatucuyninta
mana caśhanman muyuchinꞌa.
Allin nunäpa callpantañatacmi ichá altuman juluycunꞌa.
Who We AreWhat We EelieveWhat We Do
2025 by iamachristian.org,Inc All rights reserved.
